سبەی ئەنجوومەنێ وەزیران دێ کۆم بت،بودجا ٢٠١٧ێ دێ گفتوگۆ كت
هەولێر-KDP.info- 
سبەی، پێشنیوەڕۆ، ئەنجوومەنی وەزیران کۆدەبێتەوە و دەربارەی کۆمەڵێک تەوەرە گفتوگۆ دەکات؛ لەوانە پلانی وەزارەتی دارایی بۆ بوودجەی ئەمساڵ.
سەرۆکی فەرمانگەی ھەماھەنگی و بەدواداچوونی ئەنجوومەنی وەزیران، (د. نووری عوسمان) بە ماڵپەڕی فەرمیی پارتی دیموکراتی کوردستانی ڕاگەیاند: ”بڕیارە سبەی سەعات ١١ی پێشنیوەڕۆ، ئەنجوومەنی وەزیران کۆبێتەوە و دەربارەی کۆمەڵێک تەوەرە گفتوگۆ بکات.”
سەبارەت بە تەوەرەکان (د. نووری عوسمان) گوتی: ”باس لە پلانی وەزارەتی دارایی بۆ بوودجەی ٢٠١٧ی ھەرێمی کوردستان، ڕاپۆرتی سەردانی شاندی حکوومەتی ھەرێم بۆ سوێد، دروستکردنی نەخۆشخانەیەکی تایبەت بۆ نەخۆشانی چەکی کیمیاوی، سەردانی شاندی حکوومەتی ھەرێم بۆ جۆرجیا و بەشداریکردنی لە کۆنگرەی لووتکەی جیھانیی حکوومەتەکاندا دەکرێت.”
(د. نووری عوسمان) ڕوونیشی کردەوە: ”ھەر لە کۆبوونەوەکەی سبەیدا، وەزارەتی کاروباری شەھیدان ڕاپۆرتێک دەربارەی کەمکردنەوەی خەرجییەکانی دەخاتەڕوو.”
تُتاح هذه الصورة أيضا في: کوردی