بارزانی: ھەرێم نەشێت ل ھەمبەر پاشەرۆژا مووسلێ تەماشەکار بیت
WAAR-دهۆك:
سەرۆکێ ھەرێما کوردستانێ راگەھاند؛ ھەرێما کوردستانێ نەشێت ل ھەمبەر پاشەرۆژا مووسلێ تنێ تەماشەکار بیت و پێدڤییە ژ پاشەرۆژا پێکھاتە و پارێزگەھا نەنینەوایێ و ئاساییشا ھەرێمێ پشتراست ببیت.
ئەڤرۆ مەسعوود بارزانی، سەرۆکێ ھەرێما کوردستانێ د گەل پارێزگەر و سەرۆکێ جڤاتێ و ئەندامێن جڤاتا پارێزگەھا مووسلێ کۆم بوو، شاندا نەینەوایێ د کۆمبوونێ دا رۆلا سەرۆک بارزانی و پێشمەرگەی و سازی و خەلکێ ھەرێمێ د ھەوارچوونا ئاوارەیان دا بلند نرخاند و دوپات کر؛ ئێمناھی و سەقامگیرییا نەینەوا و ھەرێمێ کارتێکرن ل سەر ئێک ھەیە و داخواز ژ بارزانی کر پشتەڤانێ پارێزگەھا نەینەوایێ بیت.
نوونەرێن پێکھاتەییێن کریستیان ، ئێزدی، تورکمان، شەبەک و عەرەبێن پارێزگەھا مووسلێ تێبینی و پێشنیازێن خوە ل سەر پاشەرۆژا نەینەوایێ خستنە بەرچاڤ.
بارزانی د کۆمبوونێ دا بەحسا سەرھلدانا داعشێ ل مووسلێ و زیانیێن مرۆڤی و ماددی و ئاستەنگێن رووبرووی ھەرێمێ بووین کر و گۆت: ھەرێما کوردستانێ نەشێت ل ھەمبەر پاشەرۆژا مووسلێ تەماشەکار بیت و پێدڤییە ژ پاشەرۆژا پێکھاتە و پارێزگەھا نەنینەوایێ و ئاساییشا ھەرێمێ پشتراست ببیت و ئێدی رێ ب کارەساتێن ب ڤی ئاوای نەھێت دان.
دوپات ژی کر کو پێدڤییە بۆ قۆناغا پشتی داعشێ و رێگریکرنێ ل کووربوونا کێشەیان، خوەجھێن مووسلێ ب خوە خوە برێڤە ببەن.
تُتاح هذه الصورة أيضا في: کوردی