نێچیرڤان بارزانی په‌قینێن تیرۆری یێن مسرێ شه‌رمزار كرن
WAAR-دهۆک:
سه‌رۆكوه‌زیرێن هه‌رێما كوردستانێ، په‌قینێن تیرۆری یێن مسرێ شه‌رمزاركرن و هه‌ڤخه‌مییا گه‌ل و حكومه‌تا هه‌رێمێ، ئاراسته‌یی وه‌لاتێ مسرێ كر.
د په‌یامه‌كێ دا نێچیرڤان بارزانی سه‌رۆكوه‌زیرێن هه‌رێما كوردستانێ، ئه‌ڤرۆ په‌قینێن تیرۆری یێن مسرێ شه‌رمزاركرن كو دوهی كه‌نیسه‌یێن قوبتییان ل هه‌ردو باژارێن ته‌نتا و ئه‌سكه‌نده‌رییه ل باكۆرێ مسرێ كربوونه ئارمانج و د وێ په‌یامێ دا، هه‌ڤخه‌مییا گه‌ل و حكومه‌تا هه‌رێمێ، ئاراسته‌یی وه‌لاتێ مسرێ كرییه.
سه‌رۆكوه‌زیری ئاماژه‌كرییه كو گه‌لێ كورد باش د ئێش و ئازارێن مالباتێن قوربانییێن مسرێ دگه‌هیت، ژبه‌ركو ئازاره‌كا مه‌زن ژ ده‌ست تیرۆر و تیرۆرستان كێشایه و پێدڤییه جڤاكا نێڤده‌وله‌تی هه‌ماهه‌نگییه‌كا زێده‌تر بۆ به‌رهه‌نگاربوونا تیرۆرێ بكه‌ت.
تُتاح هذه الصورة أيضا في: کوردی