هشیار زێباری: ژبلی ئیرانێ چ وه‌لات ل دژی رێفراندومێ نینن
WAAR-دهۆك:
هشیار زێباری ئه‌ندامێ جڤاتا بلندا رێفراندومێ راگه‌هاند؛ ژبلی كۆمارا ئیسلامییا ئیرانێ، چ وه‌لاتێن جیهانێ ل دژی ریفراندومێ نینن.
د هه‌ڤپه‌یڤینه‌كێ دا دگه‌ل كه‌نالێ شه‌رقیه یێ ئیراقی، هشیار زێباری گۆت: هه‌موو ئالییێن سیاسی یێن هه‌رێمێ دگه‌ل رێفراندوم و سه‌رخوه‌بوونا كوردستانێ نه، ژبه‌ركو سه‌رخوه‌بوون ئارمانج و به‌رنامه‌یێ هه‌موو ئالییانه، لێ ئه‌و ناكوكییێن سیاسی یێن هه‌ین، ئه‌و ژی دێ هێنه چاره‌كرن و پارتی پێشنیازه‌كا نوو راده‌ستی گۆڕانێ كرییه و ره‌نگه ببیته ئه‌گه‌رێ چاره‌كرنا ره‌وشێ.
زێباری دا زانین ژی، هنده وه‌لاتان ل دۆر رێفراندومێ تێبینیێن خوه گه‌هاندینه، لێ چو وه‌لات ل دژی رێفراندوم و سه‌رخوه‌بوونا كوردستانێ نینن، تنێ كۆمارا ئیسلامییا ئیرانێ، ب فه‌رمی دژایه‌تییا خوه بۆ رێفراندومێ راگه‌هاندییه.
دا زانین ژی: سه‌ركردایه‌تییا سیاسی یا كوردی دێ به‌رپرسیارییا ڤێ قۆناغێ ئێخیته ستۆیێ خوه و ب چ ره‌نگان ژی، ڤه‌گه‌ریان ژ بریارا رێفراندومێ نینه و نابیت.
تُتاح هذه الصورة أيضا في: کوردی