بارزانی: بۆ سهرخوهبوونێ سالهك یان دو سالان دێ دانوستاندنان كهین
WAAR-دهۆك:
سهرۆكێ ههرێما كوردستانێ راگههاند؛ پشتی رێفراندۆمێ ئهو دخوازن ب چاڤدێرییا نێڤدهولهتی دانوستاندنێ سهرخوهبوونێ دگهل بهغدا دهستپێبكهن و سالهك یان دو سالان دانوستاندنان بكهن.
مهسعوود بارزانی سهرۆكێ ههرێما كوردستانێ د ههڤپهیڤینهكا دهنگێ ئهمریكا دا گۆت: ههلوێستێ ئهمریكا ل سهر رێفراندۆمێ ئهو حێبهتی كرینه، ژبهركو گهلێ كوردستانێ چ تاوان نهكرینه، تنێ یێن داخوازا مافێن خوه دكهن و وهكو ههموو گهلێن جیهانێ دێ بریارا خوه دهن، لهو ئهڤ ههلوێسته بۆ وان گهلهكێ غهریبه، لێ ههلوێستێ رۆسیا د جهێ خوه دایه.
سهرۆك بارزانی گۆت ژی: تا نها گهلهك بیرۆكه و هزر و پێشنیاز ههنه، لێ چ ژ وان جهێ رێفراندۆمێ ناگرن و گهلێ كوردستانێ ناگههیننه سهرخوهبوونێ، ژبهر ڤێ چهندێ ژی رێفراندۆم رێیا راست و دروسته و ئهو بهغدا یا رێفراندۆمێ قهبوول نهكهت، بلا پشتراستبیت كوردستان ژی ئێدی پاشكویهتییا وێ قهبوول ناكهت.
بارزانی خویا ژی كر، رێفراندۆم پرسهكا ناڤخوهییه بۆ چهوانییا دارشتنا پهیوهندیێن ههولێر و بهغدایێ، لهو نابیت ئهمریكا و وهلاتێن جیران و جڤاكا نێڤدهولهتی دژایهتیێ بكهن و زمانێ گهڤان بكاربینن، بهرۆڤاژی گهر ئهو د ئامادهبن چاڤدێریێ بكهن و بهغدا ژی ئامادهیی دانوستاندنان بیت، بێی كێشه ههرێم و بهغدا دێ وهك و دو جیرانان ژین و كوردستان دێ ژێدهرێ ئارامییا دهڤهرێ بیت.
تُتاح هذه الصورة أيضا في: کوردی