جڤاتا بلندا رێفراندۆمێ ئهڤرۆ دێ بڕیارێ ل سهر ئهنجامێن سهرهدانا بهغدا دهت
WAAR-دهۆك:
شاندێ جڤاتا بلندا رێفراندۆمێ پشی دهمهكێ دی دێ گههیته بهغدا یا پایتهختا ئیراقێ و ئێكهم كۆمبوونا وان ژی دێ دگهل ههڤپهیمانییا نیشتیمانییا شیعی بیت.
سهعدی پیره ئهندامێ جڤاتا بلندا رێفراندۆمێ بۆ وار راگههاند؛ سات 12 شاندێ جڤاتا بلندا رێفراندۆمێ دێ بهرهڤ بهغدا برێكهڤیت و وهها بڕیاره ل سات 2ێ پشتی نیڤرۆ دگهل ههڤپهیمانییا نیشتیمانییا شیعی كۆمببیت.
ههروهسا دیاركر شاندێ جڤاتا بلندا رێفراندۆمێ، دێ دگهل حهیدهر عهبادی سهرۆكوهزیرێن ئیراقێ ژی كۆمبیت.
ب گۆتنا سهعدی پیره، تهوهرێن گۆتوبێژان دێ داوی ههلوهستێ ههرێمێ بیت، ههروهها گۆتوبێژێن وان دگهل ئهمریكا و نهتهوهیێن ئێكگرتی.
دوپات ژی كر، بهغدا ئهڤرۆ دێ داوی ههلوهستێ خوه لدۆر رێفراندۆمێ رادهستی شاندێ ههرێمێ كهت و شاند ههر ئهڤرۆ دێ ڤهگهڕیت و بهرسڤا بهغدایێ ئاراستهی جڤاتا بلندا رێفراندۆمێ كهت.
پشتی كۆمبوونا جڤاتێ ژی ههر ئهڤرۆ دێ بریارهك هێته دان و ئهنجام د پرێسكۆنفرانسهكی دا هێنه راگههاندن
تُتاح هذه الصورة أيضا في: کوردی