داخوازا ڤهكرنا رێيا دناڤبهرا دهۆك – نەینەوا دا دئێته كرن
رووداو- دهۆک
سەرۆكی ئەنجوومەنی پارێزگای نەینەوا رایگەیاند، داوایان لە بەرپرسانی بەغدا و هەرێمی كوردستانیش كردووە كار بكەن، بۆ كردنەوەی رێگای دهۆك – نەینەوا و دەشڵێت “پارێزگاری دهۆك رەزامەندی داوە، بەڵام تاوەكو ئێستا بەغدا رێگرە”.
بەشار كیكی، سەرۆكی ئەنجوومەنی پارێزگای نەینەوا بە تۆڕی میدیایی رووداوی راگەیاند: “هاتووچۆی بازرگانی لەنێوان پارێزگای دهۆك و نەینەوا، ماوەیەكی زۆرە راوەستاوە، هەر بۆیە لەلایەن خەڵكی نەینەوا و دهۆكیشەوە چەندین جار داوامان لێكراوە كار بكەین بۆ كردنەوەی ئەو رێگایە، بەڵام بەرپرسانی بەغدا رێگرن ، پارێزگاری دهۆك رێگر نییە و رەزامەندی داوە، بەڵام بەرپرسانی بەغدا تاوەكو ئێستا رێگرن و دەڵێن پێویستمان بەهێزی زیاترە بۆ كۆنتڕۆڵكردنی ئەو رێگایە”.
سەرۆكی ئەنجوومەنی پارێزگای نەینەوا، ئەوەشی خستەڕوو ئەو رێگایە بەتەواوەتی دانەخراوە و رۆژانە هاتووچۆیەكی كەمی تێدا دەكرێت. بەگوتەی ئەو “داخستنەكە زیاتر بۆ ئاڵوگۆڕی بازرگانییە، ئەوەش بۆ خەڵكی هەر دوو پارێزگاكە گرفتێكی گەورەیە، ئێمەش لەهەوڵی بەردەوامداین بۆ كردنەوەی ئەو رێگایە”.
لەنێوان پارێزگای نەینەوا و دهۆك دوو رێگا هەیە، یەكێكیان لەگەڵ هاتنی داعش بۆ عێراق لە ساڵی 2014وە داخراوە، ئەو دیكەشیان كە بە رێگای ناوەران – شێخان ناسراوە، لە دوای 16ی ئۆكتۆبەری ئەمساڵەوە داخراوە.
تُتاح هذه الصورة أيضا في: کوردی