ناتۆ دێ پشتەڤانییا سەربازی ل پێشمەرگەی و ھێزێن ئیراقێ کەت

ناتۆ دێ پشتەڤانییا سەربازی ل پێشمەرگەی و ھێزێن ئیراقێ کەت
WAAR-دهۆك:

ئەمیندارێ گشتییێ ھەڤپەیمانییا ناتۆیێ راگەھاند؛ د کۆمبوونا وەزیرێن دەرڤە یێن وێ ھەڤپەیمانیێ دا، ئەو رێککەفتینە شیانێن بەرگرییێ یێن وەلاتێن رۆژھەلاتا ناڤین و باکۆرێ ئەفریقیا ب ھێز بێخن.
ینس ستۆلتنبێرگ پشتی کۆمبوونا ناتۆیێ ل برۆکسلێ راگەھاند؛ ناتۆ رێککەفتیە ب سەدان شیرەتکارێن سەربازی بھنێریتە ئیراقێ، ئەرکێ وان ژی دێ ھاریکاریا ھێزێن ئیراقێ و پێشمەرگەیێن کوردستانێ بیت ، ژبۆ بەرھنگاربوونا تیرۆرێ و پاراستنا رەوشا ئەمنی و رێگرتنێ ل ڤەگەریانا داعشێ.
ل گۆرەی گۆتنا ئەمیندار گشتیێ ناتۆیێ، بریارە د کۆمبوونا ھەڤپەیمانیێ دا ل رۆژێن یازدە و دوازدەی مەھا تیرمەھا بھێت بریارا ھنارتنا وان شیرەتکاران بۆ ئیراقێ بھێت دان.
گۆت ژی: پلانەکا بەرفره‌ھـ بۆ پشتەڤانییا سەربازی و مەشقدانا ھێزێن ئیراقێ و پێشمەرگەیێن کوردستانێ ھەیە.

تُتاح هذه الصورة أيضا في: کوردی