ئیرانێ د 6 مەھان دا 331 کورد دەستەسەر کرینە
WAAR-دهۆك:
ل گۆری ئامارەکا نوو، رژێما ئیرانێ د 6 مەھێن دەستپێکێ یێن ئەڤسالە دا، 331 وەلاتییێن کورد دەستەسەر کرینە.
رێکخستنا ھەنگاو یا مافێن مرۆڤی ل رۆژھەلاتێ کوردستانێ د راپۆرتەکا نوو دا راگەھاند: د دەما 6 مەھێن بووری یێن سالا 2018ی دا، ناڤەند و سازییێن ئێمناھییێ یێن رژێما ئیسلامی یا ئیرانێ، ھەری کێم 331 وەلاتییێن کورد یێن رۆژھەلاتێ کوردستانێ و ئیرانێ دەستەسەر کرینە و ئەڤ رێژەیا ب ھەڤبەرکرن د گەل پار دا، 74% بلند بوویە.
راپۆرتا ھەنگاوێ ھەروەھا راگەھاند: 199 ژ وان وەلاتییان ب سووچا چالاکییێن سیاسی و ھاریکاریکرنا پارتییێن کوردی ھاتینە گرتن، 94 چالاکێن سڤیلن، 27ت چالاکێن فێرخوازان، 25 کۆلبەر، 7 چالاکێن کارکەران و چەندین کەسێن دی کو وەلاتییەکێ ھەرێما کوردستانێ و ئێکێ خوراسانێ ژی د گەل دا نە و 20 ژ وان ژنن.
تُتاح هذه الصورة أيضا في: کوردی