پشتی جەژنێ دێ پڕۆژەقانوونا دادگەھا تاوانێن داعشێ ھێتە پەسەندکرن
گاڤ نیوز – 
دھێتە چاڤەڕێکرن پشتی جەژنا رەمەزانێ پەڕلەمانێ کوردستانێ خواندنا دویێ بۆ پەسەندکرنا پڕۆژەقانوونا دادگەھا تاوانێن داعشێ بکەت و پەڕلەمانتارەکا کوردستانێ ژی دبێژیت: پڕۆژە دێ ھێتە پەسەندکرن و چ رێگری نینن.
خەدیجە عومەر، ئەنداما لژنەیا قانوونی ل پەڕلەمانێ کوردستانێ بۆ گاڤ نیوز گۆت: ھەبوونا قانوونەکا تایبەت ب ناساندنا تاوانێن داعشێ بۆ ھەرێمێ گرنگە و داعشێ تاوانێن مەزن دژی مرۆڤاتیێ کرینە و ئاشکراکر، پشتی جەژنێ پڕۆژەقانوونا دادگەھەکا تاوانان یا تایبەت ب تاوانکاریێن داعشێ دێ ھێتە پەسەندکرن.
ھەروەسا گۆت ژی: خواندنا ئێکێ بۆ پڕۆژەقانوونێ ھاتیە کرن و چ ئالیان ژی دژاتی بۆ خواندنا دویێ نەکریە و دێ ھێتە پەسەندکرن.
وێ ئەنداما لژنەیا قانوونی گۆت ژی: ل گۆره‌ی پڕۆژە قانوونێ سەرۆکێ دادگەھێ دشێت داخواز ژ کۆمەلگەھا نێڤدەولەتی بکەت شارەزایان رەوانەیی وان جھان بکەن یێن داعشێ تاوان لێ کرین.
تُتاح هذه الصورة أيضا في: کوردی