سەرۆك بارزانی پەیامهكا سەرەخۆشيێ ئاراستەی خێزان و کەسوکارێن پڕۆفیسۆر کنیاز ئیبراهیم میرزۆیێڤ دکت
باسنيوز:
سەرۆک بارزانی پەیامێکی سەرەخۆشی بەبۆنەی کۆچی دوایی پڕۆفیسۆر کنیاز ئیبراهیم میرزۆیێڤ، سەرۆکی فیدراسیۆنی ناونەتەوەیی دیاسپۆرای کوردان (FNDK) ئاراستەی خانەوادە و کەسوکاری کۆچکردوو کرد.
لە پەیامەکەی سەرۆک بارزانی هاتووە: “بە داخێکی زۆرەوە هەواڵی کۆچی دوایی ئاکادیمیسیەنی کورد و سەرۆکی فیدراسیۆنی نێونەتەوەیی کوردانی وڵاتانی سۆڤییەتی پێشوو پڕۆفیسۆرکنیاز ئیبراهیم میرزۆیێڤ مان پێگەییشت”.
ئاماژە بەوەش دراوە، “پڕۆفیسۆر کنیاز ئیبراهیم میرزۆیێڤ کەسایەتییەکی نیشتیمانپەرەوەری کوردی کازاخستان بوو کە ڕۆڵێکی بەرچاوی لە بەهێزکردن و یەکخستنی دیاسپۆرای کورد لە وڵاتانی یەکێتیی سۆڤییەتی پێشوو هەبوو و، هەروەها لە بواری زانستی و ئەدەبیش خزمەتێکی زۆری کورد لەو وڵاتانەدا کردووە”.
هەروەها سەرۆک بارزانی دەشڵێت: “سەرەخۆشیی خۆم ئاراستەی خانەوادە و کەسوکاری پڕۆفیسۆر کنیاز ئیبراهیم میرزۆیێڤ و ئەندامانی فیدراسیۆنی نێونەتەوەیی کوردانی سۆڤییەت و کوردانی دانیشتووی وڵاتی کازاخستان دەکەم و خۆم بە هاوبەشی خەمیان دەزانم”.
لە کۆتایی پەیامەکەشیدا، سەرۆک بارزانی رایگەیاندووە: “لە خودای گەورە داواکارم ڕۆحی خوالێخۆشبوو بە بەهەشتی بەرین شاد بکات و سەبر و ئارامی بە هەموو لایەک ببەخشێت”.
پڕۆفیسۆر کنیاز ئیبراهیم میرزۆیێڤ ئێوارەی ئەمڕۆ یەکشەممە 8ی8ی2021، لە شاری ئەڵماتی وڵاتی کازاخستان کۆچی دواییکرد.
تُتاح هذه الصورة أيضا في: کوردی