نيچيرڤان بارزانى: پارتى پێشهنگا خهباتا گهلێ كوردستانێ یه ژبۆ ئازادیێ
گاڤ نيوز
جێگرێ سهرۆكێ پارتى ديمۆكراتى كوردستان، پهيامهك ب ههلكهفتا 16ى تهباخێ بهلاڤكر و راگههاند: پارتى هێشتا پێشهنگا خهباتا گهلێ كوردستانێ یه ژبۆ ئازادیێ و ل گهل ئاليێن دى یێن كوردستانى، ئاڤاكهر و پارێزهرا سهرهكي یا قهوارهيێ سياسى يێ ههرێما كوردستانێ و دهستكهفت و فيدرالى و مافێن وێ یێن دهستوورى يه.
نێچيرڤان بارزانى، جێگرێ سهرۆكێ پارتى، ئهڤرۆ د بیرهوهریا 75 ساليا دامهزراندنا پارتى دا د پهيامهكێ دا دياركر، پارتى حزبهكا جهماوهرى يا زندى يه ل گهل بۆرينا چهندين قۆناغێن خهباتا ئاشكرا و نهێنى و شۆڕش و حوكمڕانيێ ب نويبوونا بهردهوام و تهبا ل گهل گيانێ سهردهم دا، پارتى ژبۆ ئازاديێ هێشتا پێشهنگا خهباتا گهلێ كوردستانێ يه.
ههروهسا ئاشكراكر، پارتى ل گهل ئاليێن كوردستانى ئاڤاكهر و پارێزهرا سهرهكى يا قهوارهيا سياسى يا ههرێما كوردستانێ و دهستكهفت و فيدرالى و مافێن دهستوورى يه، ب تهمامى ژى باوهرى ب ئێكرێزى و تهبایی و پێكڤهژيانێ ل گهل ههمى ئالى و پێكهاتێن كوردستانێ ههيه، ههروهسا ب ئۆمێد و باوهرى ڤه گاڤان بۆ كار و ژيان و پاشهرۆژهكا باشتر بۆ گهلێ كوردستانێ د هاڤێت.
نێچيرڤان بارزانى، ههر د پهياما خۆ دا دبێژيت: پارتى خودان ئهزموونهكا زهنگينا ب رێڤهبرنێ يه، رهنگڤهدانا بير و بهرنامه و ژياندۆستيا پارتى ل گهل حوكمداريێ ژ گرنيگدان و گهشهپێدان ب شيانێن ژنان، لاوان و قوتابيان و ههمى چينێن دى يه و وێنهيهكێ سهنگين ب وهلات و گهنجێن وهلاتى بهخشيه و پێگههێ پێشكهفتنا بهرچاڤا كوردستانێ د وارێ ديمۆكراسى، ئازادى، مافێ مرۆڤى و يهكسانيێ دا ديار و بهرچاڤهكريه و كۆمهلگهها كوردستانێ ب چهندين بهايێن مرۆڤى زهنگين كريه.
ههروهسا نێچيرڤان بارزانى دبێژيت: دهستێ دۆستايهتيا پارتى ههردهم بۆ ههميان ڤهكرى بوويه، بلا ژ ئێك د جودا بين، كاركرن ل گهل جياوازيێن ئێك و دو ئهزموون و كلتۆرێ سياسى دێ زهنگين و سهنگين تر كهت و پێگههى ژى دێ ب هێزتر كهت.
ل دوماهيا پهياما خۆ نێچيرڤان بارزانى دبێژيت: هێزا پێگههێ پارتى، نشتيمانپهروهرى و دلسۆزى، سهركردايهتى، ئهندام، رێكسختن، جهماوهر ل گهل دروستيا رێبازا سياسى، ئهرك و بهرپرسايهتيێ زێدهتر دكهت، ئهڤه ژى كار و پلانێن زێدهتر ژ پارتى د خوزيت.
تُتاح هذه الصورة أيضا في: کوردی