شاندهكێ ههرێمێ بۆ ڤهگهڕاندنا روفاتێن 171 ئهنفالكريان دێ سهرهدانا بهغدا كهت
گاڤ نيوز
شاندهكێ وهزارهتا شههيد و ئهنفالكريان يا ههرێما كوردستانێ ل ڤان نزيكان دێ سهرهدانا بهغدا كهت.
عادل سالح رێڤهبهرێ راگههاندنێ و پهيوهنديان يێ وهزارهتێ د داخۆيانيهكا رۆژنامهڤانى دا رادگههينيت؛ بڕياره ل دهمهكێ نزيك شاندهكێ وهزارهتێ ب سهرۆكاتيا وهكيلێ وهزارهتێ و ئهندامهتيا ژمارهيهكا رێڤهبهرێن گشتى و بهرپرسێن باژێرڤانيێن وهزارهتێ سهرهدانا نوشداريا داد، سازيا شههيدان و ژمارهيهكا رێڤهبهريێن دى بكهت.
ل گۆرهى ناڤهاتى؛ شاندێ كوردستانى ژ بۆ ڤهگهڕاندنا روفاتێن 171 قۆربانيێن ئهنفالان كو ل بيابانا سهماوه ل سالا 2019 هاتبوونه ديتن، دێ سهرهدانا بهغدا كهت.
ههژى گۆتنێ يه كو رژێما بهعس يا گۆربهگۆر د ههشت ئۆپهراسيۆنان دا كريارێن جينۆسايدێ ل دژى كوردان ئهنجام دابوون و ب دههان هزار كورد زێدهبارى پتر ژ 5 هزار گوندان ببوونه قۆربانيێن كريارێن ئهنفالان.
تُتاح هذه الصورة أيضا في: کوردی