دادگهها فيدرالى سكالايهك د بهرژهوهنديا ههرێما كوردستانێ دا ئێكلا كر
گاڤ نيوز
دادگهها فيدرالى يا ئيراقێ سكالايهك د بهرژهوهنديا ههرێما كوردستانێ دا ئێكلاكر و ل گۆرهى وێ وهزارهتا بارزگانى يا ههرێمێ دهستههلاتا پاراستنا ناڤێن بازرگانى ههيه.
پهرلهمانێ ههرێما كوردستانێ ل ههيڤا 10 يا سالا 2021 ياسايا ههمواركرنا دوێ بۆ ياسايا ئێكهتيا ژوورێن بازرگانى و پيشهسازى ل ههرێما كوردستانێ دهركربوو و ژوورا بازرگانى يا بهغدا ژ بهر بڕگهيا گرێداى پاراستنا ناڤێ بازرگانى سكالا ل سهر پهرلهمانێ كوردستانێ تۆمار كربوو.
ژوورا بازرگانى يا بهغدا د سكالايا خۆ دا ل دادگهها فيدرالى ئهڤ ههمواركرنا ياسايى ب بهروڤاژى دهستوورى لقهلهمدابوو چونكى دهستههلاتا پاراستنا ناڤێن بازرگانى دا بوو وهزارهتا بازرگانيێ يا ههرێمێ و ل گۆرهى وان؛ ئهڤ چهنده ژ دهستههلاتێن حكومهتا فيدرالى يه.
ل گۆرهى زانياريان؛ دادگهها فيدرالى ئهڤ سكالايه د بهرژهوهنديا پهرلهمانێ ههرێما كوردستانێ دا ئێكلا كر و بڕيار دا كو وهزارهتا بازرگانى و پيشهسازى يا ههرێما كوردستانێ دهستههلاتا پاراستنا ناڤێن بازرگانى ههيه.
پشتى كو دادگهها فيدرالى ژمارهيهكا بڕياران د ئهڤ ساله دا بهروڤاژى بهرژهوهنديێن ههرێما كوردستانێ دهركرين، ئهڤه دبيته بڕيارا دوێ پشتى بڕيارا ب ياسايى ناساندنا 200 مليار دينارێن شايستهيێن ههرێما كوردستانێ كو د بهرژهوهنديا ههرێمێ دا دهێته دان.
تُتاح هذه الصورة أيضا في: کوردی