مووچەیێ هەیڤا 12 یا لیوایێن پیادە یێن وەزارەتا پێشمەرگەی دهێتە دابەش کرن
باسنيوز:
وەزارەتا پێشمەرگەی د راگەهاندنەکێ ئاشکراکر، مووچەیێ هەیڤا 12 یا لیوایێن پیادە یێن وەزارەتا پێشمەرگەی دهێتە دابەش کرن.
ئەڤرۆ سێشەمبی 2/1/2024، وەزارەتا پێشمەرگەی راگەهاندنەك بڵاڤکر، تێدا هاتیە: “پشتی کۆ هاریکاریێن هێزێن هەڤپەیمانان بۆ هێزێن پێشمەرگەی ئێخستیە سەر هژمارێ وەزارەتا پێشمەرگەی، رێڤەبەراتیا گشتیا بودجە و بەرنامان (ژمێریارییا سەربازی)، رێکارێن دارایی و ژمێریاری ئەنجام دان، بانك ئاگەهدار کرن، کۆ رۆژا پێنجشەمبی 4/1/2024، مووچەیێ هەیڤا 12یا ساڵا 2023 یێن لیوایێن پیادە یا وەزارەتا پێشمەرگەی دهێتە دابەش کرن.”
بەری نوکە، فەریق عیسا عوزێر، سەرۆكێ ئەركانێ وەزارەتا پێشمەرگەی، بۆ (باسنیوز) راگەهاندبوو: “تەمویلا مووچەیێن لیوایێن هەڤبەشێن پێشمەرگەی، كۆ ژلایێ ئەمریكا دهێتە دابین کرن، پشتی گەهشتنا مووچەیێ لیوایێن هەڤبەش دهێتە دان.”
ئەو ژی دیار کر: “مووچە تنێ دێ لیوایێن هەڤبەش یێن كەڤن ڤەگریت.” چەند لیوایەكێن پێشمەرگەی، کۆ هژمارا وان نزیکێ 44 هزار پێشمەرگەیانە و بودجەیێ وان ژلایێ وەزارەتا بەرگری یا ئەمریكا دهێتە دابین کرن، هەیڤانە پشتی کۆ پارە دچیتە سەر هژمارا وەزارەتا پێشمەرگەی، مووچەیێن وان دهێنە دان.
تُتاح هذه الصورة أيضا في: کوردی