مەسرور بارزانی دێ ل ئیمارات پشکداریێ د کۆپیتکا جیهانی یا حکوومەتاندا کەت
باسنيوز:
ئەڤرۆ ئێکشەمبی 11/2/2024، مەسرور بارزانی، سەرۆکێ حکوومەتا هەرێما کوردستانێ، ب سەرۆکاتیا شاندەکێ حکوومەتێ برێکەفت بۆ دەوڵەتا ئیمارات، بۆ پشکداری د کۆپیتکا جیهانی یا حکوومەتاندا کۆ دێ ڕۆژێن 12 هەتا 14ێ 2 ل باژێرێ دوبەی برێڤەچیت.
سەرۆکێ حکوومەتێ ب بانگهێشتا تایبەت یا شێخ محەمەد بن ڕاشد ئال مەکتووم، جێگرێ سەرۆکێ دەوڵەتا ئیمارات و سەرۆکێ جڤاتا وەزیران و حاکمێ میرنشینا دوبەی دێ پشکداریێ د کۆپیتکێدا کەت، کۆ بڕیارە گۆتارەکێ ژی د کۆپیتکێدا ب ئامادەبوونا هژمارەک ژ سەرۆک و سەرۆک وەزیران و بەرپرسێن بلندێ جیهانی پێشکێش بکەت.
سەرۆکێ حکوومەتێ هەروەسا د وێ کۆپیتکێدا، دێ چەندین دیدار و کۆمبوون دگەل بەرپرس و بیرمەند و خودانکارێن عەرەبی و هەرێمی و جیهانی هەبیت.
تُتاح هذه الصورة أيضا في: کوردی