تۆرا لالـش

سەرۆکێ حکومەتا هەرێما کوردستانێ بۆ پشكداريكرنێ د کۆڕبەندێ ئابۆرى يێ جیهانی يێ داڤۆس دا، بەرەف سوێسرا ب ڕێکەفت.

حکومەتا هەرێما کوردستانێ د ڕاگەهاندنه‌كێ دا ئاماژە ب وێ چه‌ندێ دا، ئيڕۆ دووشەمبوويێ، 19ـی کانوونا دووێ 2026، سەرۆکوەزیران مەسرور بارزانی، بەرەف سوێسرا ب ڕێکەفت بۆ پشكداريكرنێ د کۆڕبەندێ ئابۆرى يێ جیهانی يێ داڤۆس دا.

ب گۆڕه‌ى ڕاگه‌هاندنێ، سەرۆکێ حکومەتێ دێ زنجیرەیەکا کۆمبوون و دیداران ل گەڵ سەرۆک و سەرکردەيێن بلند و خاوه‌نكارێن جیهانێ که‌ت ب مه‌ره‌ما دانوستنادنێ ده‌ربارەی داوى گوهۆڕين و پێشهاتێن هەرێما کوردستانێ و عێراقێ و ده‌ڤه‌رێ.

هەروەسا دێ به‌حس ل چاکسازیێن حکومەتا هەرێما کوردستانێ د کەرتێن جۆراوجۆر دا ب ئارمانجا ئاڤادانكرنا ژێرخانه‌يه‌كا ئابۆرى يا ب هێز ل هەرێما کوردستانێ که‌ت.

ئیرۆ دووشه‌مبوویێ 19ـی كانوونا دووێ 2026، ب پشكداریا زێده‌تر ژ هه‌زار سه‌رۆك و سه‌ركرده‌ و به‌رپرسێن وه‌لاتان،گه‌ڕا 56ێ يا كۆڕبه‌ندێ ئابۆری یێ جیهانێ ل داڤۆس ب ڕێڤه‌دچت و هه‌تا ڕۆژا ئینیێ 23ـی ڤێ هه‌یڤێ دێ به‌رده‌وام بت.

پشكدار، پێشینار و چاره‌سه‌ریا خۆ بۆ ڕووبرووبوونا ئالنگاریێن نۆكه‌ دێ به‌حس كه‌ن، ژبلێ وێ چه‌ندێ د په‌راوێزا كۆڕبه‌ندی دا ب ده‌هان ڕێككه‌فتنێن گرێدایی ئابۆری و ئاسایشێ دێ دناڤبه‌را حكومه‌ت و كۆمپانیان دا ئێنه‌ ئیمزا كرن.