دراڤێ مامۆستایێن چاڤدێرێن هۆلێن ئەزموونان دێ ئێتە دابەشكرن
تۆرا لالش یا راگەهاندنێ 
سەرۆكێ ئێكەتیا مامۆستایێن كوردستانێ ئاشكەراكر،ئەنجومەنێ وەزیران بریاردا،دراڤ بۆ مامۆستایێن چاڤدێریا هۆلێن ئەزموونان بێتە خەرجكرن.
ئەحمەد گەرمیانی،سەرۆكێ ئێكەتیا مامۆستایێن كوردستانێ ب مالپەرێ فەرمیێ پارتی دیموكراتی كوردستان راگەهاند،ئێكەتیا مامۆستایێن كوردستانێ ب ئامادەبوونا وەزیرێ پەروەردەیا حكوومەتا هەرێما كوردستانێ كۆمبوونا خۆ یا ئاسایی ئەنجام د،تێدا بەحس ل چەند پرسان كرن ژوانا ئامادەكاری بۆ ئەزموونێن پۆلێن 12و 9بنەرەتی و رێنما و مامۆستایێن چاڤدێرێن هۆلێن ئەزموومان.
ئەحمەد گەرمیانی هەر دكۆمبوونێ دا وەزیرێ پەروەردێ بەحسێ وێ چەندێ كر كو ئەنجوومەنێ وەزیران بریارا خەرجكرنا دراڤێ مامۆستایێن چاڤدێرێن هۆلێن ئەزموونان یێن سالا بۆری دایە،دراڤ نۆكە ل بانك ئامادەیە و ب زووترین وەخت دێ ئێتە دابەشكرن و هیچ ئاریشەیەك نەمایە.
گەرمیانی بەحسێ هندێ ژیكر،هەردوو ئالی جەخت ل سەر خەرجكرنا نیڤ موچێ مامۆستایان كر،كو كار بكەین بۆ هندێ ئەنجوومەنێ وەزیران ل زووترین وەخت دا وی نیڤ موچەی دابەش بكەت.
تُتاح هذه الصورة أيضا في: کوردی