فەیسوک ب شاشی ئامێدی خستیە سەر باکورێ کوردستانێ

فەیسوک ب شاشی ئامێدی خستیە سەر باکورێ کوردستانێ

ئێن ئارتى

تۆرا جڤاکیا فەیسبوکێ ب شاشی ئامێدی ئێخستیە سەر باکورێ کوردستانێ د دمەکیدایە ئەو بخوە سەر پارێزگەها دهۆکێ یە ل هەرێما کوردستانێ.

ئەگەر بکارهێنەرەک ل ئامێدی وێنەیەکێ خوە ل فەیسبوکێ پوست بکەت و بخازیت تایبەتمەندیا دیارکرنا جهی بکاربینیت و ئامێدی هەلبژێریت، ئەڤە ل وی دەمی دێ نڤیسیت “Amedi”، ئێکەم بژاردە ژی کو دهینیت “Amedi, Turkey”، یە کو رامانا وێ ئێکێ دگەهینیت سەر ب تورکیا یان ژی باکورێ کوردستانێ یە.

هەڤدەم گەلەک بکارهێنەرێن تۆرا جڤاکیا فەیسبوکێ کو ل ئامێدیێ وێنەی دگرین و پوست دکەن، ل جهێ وێنەی دهێتە نڤێسین ” ئامێدی، تورکیا”، ژبلی ڤێ چەندێ ل پەیجێ جهان “places”،ب دوو شێوەیان ئامێدی هاتیە نڤیسین، ئێک ژوانا سەر ب پارێزگەها ئامادێ ل باکورێ کوردستانێ و ئەوا دی ژی سەر ب پاریزگەها دهۆکێ ل هەرێما کوردستانێ.

ئەڤە ژی د دەمەکیدا کو ئامێدی قەزایەکە سەر ب پارێزگەها دهۆکێ یە ل هەرێما کوردسانێ و تنێ ئەو قەزا هەیە ب وی ناڤی، ژبەر هندێ پێدچیت فەیسبوک باژێرێ ئامێدی دگەل باژێرێ ئامەدێ یا باکورێ کوردستانێ تێکەڵ کربیت، چونکی ب رێنڤیسێ لاتینی ناڤێ وان دوو باژێریان ژ ئێکدوو نێزیکن، ئەڤە ژی د دەمەکیدا کو بژداردەیەکا دی ل تۆرا کۆمەلایەتیا فەیسبوکێ، ئامێدیەکا دی هەیە کو نڤیسیە سەر ب پارێزگەها دهۆکێ.

تُتاح هذه الصورة أيضا في: کوردی