گیا و دەرمانێن سروشتی چارەسەریا نەخۆشیا روماتیزمێ ناکەن
نوش نيوز:
روماتیزم نزیکی 100 جورێن نەخوشیا ب خۆڤە دگریت کو تووشی بەشەکێ ژ لاشێ مرۆڤی دبیت ب جومگ و ماسولکان ڤە و بڕبڕا پشتێ و ههستى و ئەندامان، زۆر جاران تووشی ھەودانا دبن، ب ئەگەرێ تێکچوونا بهرهڤانيا لاشی، بێگومان جومگێن مرۆڤی دڤێ نەخۆشیێ دا مەزنترین زیان پێ دکەڤیت.
د. ئازاد مەنتک تایبەتمەندێ دل و ھناڤا ددەتە دیارکرن کو نەخۆشیا روماتیزمێ نەخۆشیەکا بەربەلاڤە د ناڤ خەلکی دا ل ناڤ عەرەبان دا 1% ئاکنجیێن وان تووش دبنێ و ژن چار جار ھندی زەلامان تووش دبنێ و ھەموو ژیەکى ئەگەرێ تووشبوون ب روماتیزمێ ھەیە، بەلێ ل ژیێ (٤٠ ههتا ٦٠) سالیێ پتر تووش دبنێ.
زێدەتر گۆت: “ئەڤ نەخۆشیە ھێدی ھێدی خرابترە، ژ بەر ھندێ دڤێت ھەموو چارەسەریەک ل گورەی رێنمایێن نێڤدەولەتی و کومەلا روماتیزما ئەمریکی بیت، ئەڤ نەخۆشیە ناھێتە بنبڕکرن و دەرمان ژی ژ بەر دو ئەگەران دھێنە دان”.
لابرنا نیشانێن وێ: نەخۆشان نیشانێن ئازار و رەق بوون و بێھن تەنگیێ ل نک پەیدا دبن، ژ بەر ھندێ چارەسەریێ بۆ دکەن دا ئەڤ نیشانە نەمینن.
ماک و ئالوزی: ئەڤ نەخۆشیە ئەگەر چارەسەر نەبیت ئەڤ کەسە دێ گوج بیت و دەست و تبلێن وی دێ خوار بن، کو ژ ئالیێ جوانکاریێ و کارێ رۆژانە دێ کارتێکرن ل سەر ژیانا رۆژانە ھێتەکرن.
دکتور ئازاد مەنتک ئاماژە دا وێ چەندێ کو گیا و دەرمانێن سرۆشتی و روەکی ب چو رهنگهكى چارەسەریا نەخۆشیا روماتیزمێ ناکەن و ھەر کەسەکێ رێکلامێ بۆ بکەت ئەو فێلن و گۆت: “دڤێت حوکمەت وان کەسان بگریت کو فان فێلانە ل خەلکی دکەن، چونکو ئەگەر رێکلامێ ب ڤێ رێ بۆ ڤێ نەخۆشیێ بکەن ئەڤە دێ بیتە ئەگەرێ تێکچوونا بەرنامێ چارەسەریێ و دێ خرابتر بیت و ژیانا نەخۆشی کەڤیتە د مەترسیێ دا، ژ بەر کو ژ لایێ ل ھەمو باژێرێن ھەرێما کوردستانێ لیژنەکا تایبەت ب ڤێ نەخۆشیێ ڤە ھەیە کو زۆر دەرمانێن باش ژ لایێ حوکمەتێ ڤە بۆ ھاتینە دابینکرن”.
تُتاح هذه الصورة أيضا في: کوردی