فیفایێ قۆناغا كۆمێن مۆندیالا رۆسیا ههلسهنگاند
WAAR-دهۆك:
پشتی بداوی هاتنا یاریێن قۆناغا كومان ژ مۆندیالا رۆسیا . رێڤهبهرێ بهریكانهیان ل فیفایێ كولین سمێت دپرێسكونفرانسهكێ تایبهت دا رووناهی ئێخسته سهر چهندین بابهت و ئالۆزی و روودانێن موندیالێ . كورسیكێن ڤالا ل پهلوكێن یاریگههان دیاریێن مۆندیالێ دا و ههمبهركرنا هژمارهكا كارتێن زهر دناڤبهرا وان تیمێن خال و گۆلێن وهكههڤ ههین ژگرنگترین مژارێن پرێسكونفرانسێ كولین سمێتی بوون . ددهمهكیدا كو ههلبژارتیێ سنیگال ژ قۆناغا كومان هاته دهرێخستن بۆ بهرژهوهندییا ههلبژارتیێ چاپانێ ب سهدهما كارتێن زهرێن زێدهتر یێن ههڤالێن سادیو مانێ ، كو جارا ئێكێ ئهڤ سیستهمه دقارهمانییهكا جیهانی دا دهێته پهیرهو كرن . كولین سمیت سوزدا پێداچوونێ لسهر ڤی سیستهمی بكهن ، ههرچهنده پشتهڤانییا خوه ژی بۆ ههمان سیستهم دیاركر ب بۆهانهیا پشتهڤانیكرنا یاریا پاقژ . دبهرامبهر دا رێڤهبهرێ بهریكانهیان ل فیفایێ گازنده ژ خودانێن پلێتێن Vip یێن تایبهت ب كهسایهتیێن گرنگ ڤه كو هژمارهكا مهزنا كورسیكێن ڤالا لدووڤ خوه هێلاینه و هیڤی خاست خودان پلێت بهرههڤی یاریان بن.
تُتاح هذه الصورة أيضا في: کوردی