میكیاژ موویێن زێده ل دێمێ كچان پهیدا دكت
نووش نيوز:
تایبهتمهندهكا نهخۆشیێن پیستی وجوانكاریێ ل دهۆكێ دیاركر كو نها گهلهك میكیاژ یێ هاتیه دناڤ بازاری دا و ب بهایهكێ ئهرزان دهێنه فرۆتن و خهلك حهز ژێ دكهن، چونكو روویێ مرۆڤی جوان دكهت، بهلێ خهلك مهترسیا وێ نوزانن كا چهند خرابه وی مكیاژی ب كاربینن، جۆرهكێ دهرمانی د ناڤ دایه، راسته سهروچاڤان گهش وجوان دكهت، بهلێ ههكه مرۆڤ یێ بهردهوام بو بو دهمێ ههیڤهكێ ب كاربینت ژنوو كارتێكرنا وێ دیاربیت.
د. هنداڤ مهردان خهلیل، تایبهتمهندا نهخۆشیێن پیستی و جوانكاریێ ل دهۆكێ دیاركر كو میكیاژێ نهباش ناڤچاڤێن كچان سۆر دكهت و دهمار لێ دهردكهڤن و گهلهك موویان ل دێمی زێدهدكهن، لهورا ئهم دبێژین باش نینه ههر جۆره دهرمانهكێ ههبیت مرۆڤ بكاربینت بۆ جوانكاریێ، گهلهك باشتره دهمێ كچهك یان ژنهك جۆرهكێ دهرمانێ جوانكاریێ بكاردئینت ل دهستپێكی دیتنا نۆشدارێ تایبهتمهند لسهر وهربگریت پاشی دووڤ ئاموژگاریێن نوشداری بكاربینت گهلهك باشتره، چونكو دیمهنێ مرۆڤێ ب تایبهتی ژی یێ كچان دهێته پاراستن ژ پرسكا وزێدهبوونا موویان و سۆربوونا سهرۆچاڤان.
دیاركر كو ئهو بهردهوام ئاموژگاریان دكهن كچ ل هاڤینێ كریمێ سهروچاڤان ب كاربینن، چونكو دێمێ وان ژ ههتاڤی و مهترسیا تیژكێن رۆژێ دهێته پاراستن و ئهو كریم دبیته ئهگهر دهمێ كچ میكاژی ب كاربینیت ئهو كریم ناهێلیت كارتێكرن ل كچێ بهێته كرن، ب تایبهتی ژی ههكه میكاژ ژ جههكێ باوهرپێكری ئینابیت و گۆت: نابیت كچ ب میكاژ ڤه بنڤیت، ههروهسا گهلهك باش نینه دهمێ میكاژ بۆ دهمێن درێژ ب سهرۆچاڤێن كچان ڤه بمینیت، پێدڤیه دهمێ میكاژ دهێته دانان زوو ژی بهێته شووشتن و راكرن گهلهك سهروچاڤێن مرۆڤی ڤه نهمینت ب تایبهتی بۆ دهمێ پێنج ههتا ههشت دهمژمێران داكو زیانێ نهگههینیته دێمێ مرۆڤی.
ئاشكهرا كر كو ئهو میكاژێ بێهنا وی بهێته گۆهۆرین باش نینه، لهورا ژی ئاموژگاریان ل خهلكێ خوه دكهین دهمێ دبینن بێهنا میكاژی وهكو بهرێ نهمایه و گوهۆرین ب سهرا دا هاتیه ب كارنهئینن، ههروهسا ژی نها خهلكێ مه ب تایبهتی كچ پتر مكیاژێ ئهرزان یێ ب هزار دیناران دكرن لهورا دێمێن وان سۆر دبن و گهلهك موو ل سهروچاڤێن وان زێده بن و زیان دگههیته وان و گۆتژی: گهلهك قهستا مه دكهن بۆ چێكرنا دێمێن خوه ئهم دبینین پتریا وانژی ب میكاژی هاتینه تێكدان و زیان گههاندیه دێمێن وان.
تُتاح هذه الصورة أيضا في: کوردی