ترس هەیە مووشەکا چینی ل جهەکێ نێزیک ب کەڤیتە خوار

ترس هەیە مووشەکا چینی ل جهەکێ نێزیک ب کەڤیتە خوار

گاڤ نیوز

مووشەکا چینی یا ژ کونترۆل دەرکەفتی نێزیکی ئەردی دبیت و دیار نینە دێ ل چ جهـ کەڤیتە خوار، لێ ترس هەیە ل دەڤەرەکا نیزیک یا سووریا یان تورکیا بکەڤیتە خوار.

حکومەتا چینێ مۆشەکەکا ئاسمانی ب ناڤێ (Long March FB) ل رۆژا 29ێ هەیڤا بووری هنارتیە ڤالاهیا ئاسمانی، لێ ب 3 رۆژان پشتی فرینێ مۆشەک ژ کونترۆلێ دەرکەفتیە و نوکە ب لەزاتیا 18 هزار مایل د دەمژمێرەکێ دا ل دەردورێن ئەردی د زڤریت.

ل گۆرەی بەرپرسێن ناسا و وەزارەتا بەرگریا ئەمریکا، کێشا مووشەکێ 22 تەنە، د ناڤبەرا 8 تا 10ی ڤێ هەیڤێ دێ گەهیتە ئەردی، لێ تانوکە دیار نینە ئەو مووشەکا دێ ل چ جهـ کەڤیتە خوار و دبیت زیانێن مەزن هەبن.

هەروەسا راگەهاندیە؛ تاکو مووشەک نێزیکی ئەردی نەبیت، ئەو نەشێن جهێ کەفتنێ دیار بکەن و دبیت بێی کو چ زیانان بکەت بکەڤیتە د دەریایی دا.

ل گۆرەی هندەک چاڤدێران ترس هەیە ئەو مووشەک ل دەڤەرەکا نێزیک یا سووریا یان تورکیا بکەڤیتە خوار.

تُتاح هذه الصورة أيضا في: کوردی