تۆرا لالش
پسپۆرهكێ نهشتهرگهرییێن ههستییان دیار دكهت كو 90٪ ژ مرۆڤان د ژیانا خۆدا تووشی ئێشا پشتێ دبن، ژێدهرێن ڤان ئێشان ب شێوهكێ گشتی ڤهدگهرت بۆ گرژبوونا ماسولكه و بهستهران، ب تایبهت ل نك وان كهسێن كو گهلهك روودنن و لڤین و هاتن و چوونا وان كێمه.
د. هونهر محهمهد، پسپۆرێ نهشتهرگهرییێن ههستی، شكهستنێ بۆ گۆت، خرابترین جۆرێ لڤینێ بۆ ئێشا پشتێ ب تایبهت بۆ كهسهكێ كو دهرچوونا دیسكێن بربرا ههبت ئهڤهنه:
١- چهماندن د دهمێ ههلگرتنا تشتهكێ گران
٢- زڤرینا لهشی ل سهر بربران
ب گۆتنا د. هونهر محهمهد، ئهو لڤینێن باش یێن كو پێتڤییه كهسێ تووشبووی ئێشا پشتێ ئهنجام بدهت ئهڤهنه:
١ مهلهڤانی
٢- سكوات كرن (ئانكو روونشتن و رابوون)
٣- خۆ ههلاڤێتن
٤- راوهستیان د ناڤ ئاڤێ دا د دهمێ مهلهڤانیێ
باشترین خوارن ژی دیار دكهت بۆ كێمكرنا ههوكرنا ناڤبهرا بربران وهكو: {زهنجهفیل، گویز، بادهم، فستق، ماسی، كاهو و ئاڤۆگادۆ}.
خرابترین خوارن و ڤهخوارن ژی: {ڤهخوارنێن گازی و وزهبهخش و ڤهخوارنێن كحولی و ئهوێن ژ شهكرێ دهێنه چێكرن}.
تُتاح هذه الصورة أيضا في: کوردی