سەرۆكێ بنگەهێ لالش ل ئەلمانیا:
ئیرۆ بابەتێ ریفراندۆما كوردستانێ گەلەك گرنگە ئەم هەموو سەندیكا و مال و كۆمەل،ب ئەركێ خۆ رابین ب پشتەڤانیا پرۆژێ سەرۆك بارزانی بكەین
دیدار:حەكیم حیكمەت 
خەلات شێخ موراد،سەرۆكێ بنگەهێ لالش ل ئەلمانیا دیاركر كو بنگەهێ لالش یێ رەوشەنبیری و جڤاكی ل 1/8/2007ێ هاتیە دامەزراندن بو خزمەتكرنا كوردێن ئێزدی ل ئەلمانیا و گەلەك وەلاتێن دی.
سەرۆكێ بنگەهێ لالش ئاماژە كرە وێ ئێكێ كو ئارمانجا بنگەهێ لالش ل ئەلمانیا كوردایەتی یە ل دووڤ رێبازا بارزانیێ نەمر هاتیە دامەزراندن و ڤالاتیەك هەبوو بەری نۆكە و شێخ خەلاتی دیاركر كو ئەم دگەل بنگەهێ لالش ل دهۆكێ گرێداینە و مە موهلەتا فەرمی ژ باژێرێ بلیفیلد وەرگرت.
سەرۆكێ بنگەهێ لالش دیاركر كو پتر ژ (4) هەزار ئەندام مە هەنە و ئەم چەندین چالاكیێن رەوشەنبیری و جڤاكی و نەتەوەی ئەنجام ددەین بۆ رەڤەندا كوردی ل باژێرێن ئەلمانیا و ئەوروپا ،خەلات شێخ موراد گۆت گەلەك مال و كۆمەلە هەنە،بەلێ مخابن وەك پێتڤی خزمەتا كوردایەتیێ ناكن،بەلكو بەرژەوەندیێن حزبا بجه دئینن من هیڤی یا هەی كو ئەم هەموو پێكڤە كوردایەتیێ بكەین دڤێ قۆناغا گرنگ دا.
سەرۆكێ بنگەهێ لالش ل ئەلمانیا دیاركر كو خالا هەرە گرنگ و پیرۆز پێكڤەژیانا هەموو ئۆل و نەتەوایە و ئەڤ بنگەهە مالا هەموو كوردانە ل خۆشی و نەخۆشیان و دەرگەهێ مە یێ ڤەكریە بۆ رەڤەندا كوردی ل ئەلمانیا ب تایبەتی و ئەوروپا ب گشتی.
خەلات شێخ موراد دیاركر كو میدیایا ئەلمانیا شەرێ گرۆپێ تیرۆرستێن داعش دگەل خەلكێ كوردستانێ و پێشمەرگەیێ كوردستانێ گەلەك ئەكتیڤ بوون و راپۆرت و دیدارێن باش بەلاڤكرن دگەل پێشمەرگە و ئاوارە و پەنابەرێن كوردستانێ.
سەرۆكێ بنگەهێ لالش ل ئەلمانیا گۆت:دەمێ چێبوونا كارەساتا شنگالێ مە وەك بنگەهێ لالش ل ئەلمانیا ل سەر (3) هێلا كار كر :هێلا ئێكێ خۆجهكرنا ڤان پەنابەرا ، هێلا دوویێ مە دەست ب كۆمكرنا هاریكاریا كر و هێلا سیێ مە چەند یاداشتنامە پێشكێشی كۆنسلیا و میدیایا ئەلمانیا كر،مە داخوازا چەكی كر بۆ پێشمەرگەیێ كوردستانێ دژی گرۆپێ تیرۆرستێن داعش و پتریا كۆنسلیا پشتەڤانیا خۆ دیاركر.
خەلات شێخ موراد گۆت:ئیرۆ ل هەرێما كوردستانێ نێزیكی (2) دوو ملیۆن ئاوارە و پەنابەر هەنە و پێتڤی هاریكاریێ هەنە ژلایێ كۆمەلگەها نێڤ دەولەتی و ئێكەتیا ئەوروپا و un نێ،چنكو بارەكێ گران ل سەر هەرێما كوردستانێ هەیە و حكوومەتا عێراقێ چ هاریكاری نە كریە.
سەرۆكێ بنگەهێ لالش ل ئەلمانیا دیار كر كو ئەم دل خۆشین ل ڤان سەركەفتنێن پێشمەرگەیێ كوردستانێ،كو گەلەك دەڤەرێن گرنگ و ئستراتیژی رزگاركرین ژ دەستێ گرۆپێ تیرۆرستێن داعشێ و ژ بەر گرنگیا دەڤەرا شنگالێ سەرۆك بارزانی سەرپەرشتیا پرۆسا رزگاركرنا شنگالێ كر كو ئیرۆ یا ئازادە و مە هیڤی یا هەی كو پشتی ئەڤ دەڤەرە هاتیە رزگاركرن خەلك بزڤرتە سەر جه و وارێ خۆ.
خەلات شێخ موراد گۆتژی داخوازێ دكەین ژ هەموو رێكخراوێن د وارێ مرۆڤایەتیێ دا ل ئەوروپا هاریكاریا ڤان دەڤەرێن پێشمەرگەیێ كوردستانێ رزگار كرین بكت،بەلكو گرۆپێ تیرۆرستێن داعش ژێرخانا ئابووری یا ڤان دەڤەران تێك دایە،لێ خەلكێ ڤان دەڤەرا گەشن كو رۆژێن خێر و خۆشیێ پێشیا وانن.
سەرۆكێ بنگەهێ لالش ل ئەلمانیا دیار كر كو ئیرۆ بابەتێ ریفراندۆما كوردستانێ گەلەك گرنگە ئەم هەموو سەندیكا و مال و كۆمەل ب ئەركێ خۆ رابین ب پشتەڤانیا پرۆژێ سەرۆك بارزانی سەرۆكێ هەرێما كوردستانێ بكەین،بەلكو رۆژێن بهێن دڤێت هەموو خەلك و ب هەموو پێكهاتا ڤە بێژن بەلێ بۆ رێفراندۆما كوردستانێ.
خەلات شێخ موراد گۆت:ئەم بناڤێ بنگەهێ لالش یێ رەوشەنبیری و جڤاكی ل ئەلمانیا دەست خۆشیێ ل سەركەفتنا پێشمەرگەیێ كوردستانێ دكەین ل سەر گرۆپێ تیرۆرستێن داعش و سوپاسیا هەموو خەلكێ كوردستانێ و ب تایبەت خەلكێ دهۆكا خۆراگر كو ب روحەتا كوردایەتیێ خزمەتا ئاوارا و پەنابەرا كرن ،دیاركر ژی رۆلێ مامۆستایێن ئاینی جهێ سوپاسیێ یە و سوپاسیا هەموو لایەنەكی كر كو یێ هاریكاری كری.
سەرۆكێ بنگەهێ لالش ل ئەلمانیا سوپاسیا سەرۆكێ حكوومەتا هەرێما كوردستانێ كر بۆ ویێ هاریكاری و پشتەڤانیا خوشك و دایكێت مە كرین كو ژ دەستێ گرۆپێ تیرۆرستێن داعش رزگار بووین و گەهشتینە كەس و كارێن خۆ و هیڤی یە ئەڤێن ماین بێنە رزگار كرن.
سەرۆكیێ بنگەهێ لالش ل ئەلمانیا گۆت:بنگەهێ لالش یێ رەوشەنبیری و كۆمەلایەتی و دەستەیا بلند و تایبەتی برایێ خۆشتڤی (شێخ شامۆ) ئەندامێ پەرلەمانێ كوردستانێ كارەكێ پیرۆز ئەنجام دایە.
تُتاح هذه الصورة أيضا في: کوردی