بنگههێ لالش پهنهلهك ل دۆر ڕۆلێ ئێزدیان د شۆرەشا گۆلانێ دا ل دارخست
تۆڕا لالش/دهۆك
ب هەلکەفتا بیرەوەریيا ساڵڤەگەرا شۆڕەشا گۆلانا پێشکەڤتنخواز،ئيرۆ 25ى ئهيارا 2024ێ،بنگههێ لالش ل دهۆكێ پهنهلهك ل دۆر ڕۆلێ ئێزديان دشۆرهشێ دا ل دارخست.
ب ئامادهبوونا كۆمهكا كهسايهتى و پێشمهرگه و ڕهوشهنبيران، بنگههێ لالش ل دهۆكێ پەنەلەک بۆ ههرسێ پێشمهرگهيێن ئێزدى (كهريم سلێمان،فهرهج ميرزا،سالم ڕهشۆ)،ل دۆر ڕۆلێ ئێزديان دشۆرهشێ دا ل دارخست و تێدا چهند برگهيێن جۆرا و جۆر هاتن گێران.
ل دهستپێكێ ئامادهبوويى خۆلهكهكێ ڕاوهستيان وهك ڕێزگرتن ل سهر گيانێ جانگۆريان و سهركێشێ وان بارزانيێ نهمر و كاك ئدريسێ ههردهم ساخ،ل پێرا پهيڤا بخێرهاتنێ هاته پێشكێشكرن و تێدا بخێرهاتنا تهڤايا مێهڤانان هاته كرن.
پاشان ڤيچهرهك ل دۆر شۆرهشا گولانێ و ڕۆلێ ئێزديان دوێ شۆرهشێ دا هاته پيشاندان.
لدووڤدا دهست ب پهنهلى هاته كرن كو ژئاليێ د.سهعيد خودێدا جێگرێ سهرۆكێ بنگههێ لالش دهاته ب ڕێڤهبرن و تێدا ههرسێ پێشمهرگهيێن ئێزدى ب تێر و تهسهڵى باس ل قۆناغێن سهرهلدانا شۆرهشێ ب گشتى و ژيانا خۆ يا پێشمهرگهيايهتى و ڕۆلێ پێشمهرگهيێن ئێزدى دشۆرهشێ دا كرن.
ل داويا پهنهلى ئامادهبوويان چهندين پرسيار ئاڕاستهى ههرسێ پێشمهرگهيان كرن و بهرسڤا ههموو پرسياران هاتنه دان.
ب بڕیارا بارزانیێ نهمر و سهركردایهتیا پارتی دیمۆكراتی كوردستان،شۆرهشا گۆلانێ ل ئێڤاریا ڕۆژا 26 گۆلانا 1976 ئێكهمین چریسكا ئاگرێ خوه ل سهر سهرێ داگیركهران گهشكر و خهونا دوژمنان بۆ نههێلانا كوردستانێ ژناڤبر.
تُتاح هذه الصورة أيضا في: کوردی