تۆرا لالش
ل رێكه‌فتی 14ی ئه‌كتۆبه‌را 2024ێ، شانده‌كێ نڤیسه‌رێن رۆژئاڤایێ كوردستانێ كو پێكهاتبوون ژ نڤیسه‌ر و ڤه‌كۆله‌ر نایف جبيرو ل باژێرێ قامشلۆ و هۆزانڤان ڤانێس میرانی سه‌ره‌دانا باره‌گه‌هێ بنگه‌هێ كرن و ژلایێ سه‌عید جردۆ سه‌رۆكێ ده‌سته‌یا بنگه‌هێ لالش هاتنه پێشوازی كرن.
تێ زانین نایف جبیروی كۆمه‌كا په‌رتۆكا ژوانژی په‌رتۆكا ب ناڤێ زه‌رده‌شتی دناڤبه‌را سه‌رهلدان، ئایین، و فه‌لسه‌فه‌یێ دا پێشكێشی په‌رتۆكخانا پیر خدر پیر سلێمان یا بنگه‌هێ لالش كر.
سه‌رۆك و ئه‌ندامێن بنگه‌هێ لالش سپاسیا خۆ بۆ ڤێ سه‌ره‌دانێ دیار كرن و گۆتن كو ئه‌ڤ جۆرێن سه‌ره‌دانان دێ په‌یوه‌ندییان موكم تر لێكه‌ن د بیاڤێن ره‌وشه‌نبیری دا، وان ژی خۆشحالیا خۆ دیاركرن و گۆتن د ئاماده‌ینه خزمه‌تا جڤاكا ئێزدی و بنگه‌هێ لالش بكه‌ین.
تُتاح هذه الصورة أيضا في: کوردی
