رێكخراوا داك داخوازا رزگاركرنا كچ و ژنێن ئێزدی دكت
تۆرا لالش یا راگەهاندنێ
پشتی هێزێن ئێمناهیێ نیڤا باژێرێ مووسلێ ژدەستێ تیرۆرستێن داعشێ رزگاركری،هێشتا كچ و ژنێن ئێزدی دبن كۆنترۆل و دەستێ داعشێ دا ماینە وژمارەكا ئێكجار كێم هاتینە ئازادكرن،رێكخراوا داك بۆ گەشەپێدانا ژنا ئێزدی داخوازێ ژ جڤاكێ نێڤ دەولەتی دكت پلانێن مكومتر بێنە دانان ژبۆ رزگاركرنا یێن ماین.
سوزان سەفەر،بەرپرسا رێكخراوا داك بۆ گەشەپێدانا ژنا ئێزدی بۆ رۆژناما دەنگێ لالش دیاركر:”ئۆپەراسیۆنا رزگاركرنا مووسلێ دەست پێكریە نیڤا باژێری هاتیە كۆنترۆلكرن،ب مخابنیڤە هەتا نۆكە كچ و ژنێن ئێزدی دبن كۆنترۆلا داعشێ دانە وژمارەكا ئێكجار كێم هاتنە ئازادكرن،لەوا داخوازێ ژ جڤاكێ نێڤ دەولەتی دكن كو پلانێن مكومتر بێنە دانان ژبۆ رزگاركرنا یێن ماین ژ ناڤ وێ دۆزەخا داعشێ،چنكو یێ دبن زۆرداریەكە مەزن دا دژین،گۆتژی بابەتێ گرتییان هێدی هێدی یێ دئێتە ژبیركرن و رۆژ بۆ رۆژێ بابەت بجوكتر لێ دئێت،دخوازین ژجهێن شۆلەژێ پتر ب گرنگی ل سەر ڤی كەیسێ ب سەكنن”.
سوزان سەفەر زێدەتر گۆت:”داخوازێ ژ حكووموتا عێراقێ و هەرێما كوردستانێ دكن پتر هاریكاریا وان كچ و ژنێن رزگاربوویی بكن ئەوێن هەتا نۆكە دبن خیڤەتان دا دژین،دیسان ژ خەلكێ مووسلێ دخوازین ئەوێن دباژێر دا ماین دەمێ هەول ددەن خۆ قورتال بكن گرتیێن ئێزدی دگەل خۆ قورتال بكن،ئەڤ چەندە ژی دێ بتە بەلگەیەك ژبۆ موكومكرنا پێكڤەژیانێ”.
تُتاح هذه الصورة أيضا في: کوردی