ئێزدی ژبەر بای بۆ بارۆڤێ!
ئارام دهۆكی- كەنەدا 
پشتی روودانا شنگالێ و دەڤەرێن ئێزدیان ل مەها هەشتا 2014 كو بوویە ئەگەرێ جێنوسایدكرنا كێمەئاین پەرستێن ئێزدی و ژ بەر هۆڤاتیا رێكخراوا داعش، گەلەك ژ مللەت و حوكمەتێن ولاتێن دونیایێ ب رەنگەك ئێكسەر هاتن دەنگ بۆ هاریكاریا وان، ئێك ژ وان وەلاتان كەنەدا گەلەك ب گەرمی هاتە پێش و ب گەلەك رەنگان ئامادەیا خۆ دیاركر، ئێك ژ وان هاریكاریان ئەوبوو كو ژمارەك مەزن ژ ئێزدیان بگەهیننە كەنە دا بۆ سەر و ژنوی ژیانەك ئارام پەیدا بكن ب تایبەتی ئەوێن كەتین دەستێن رێكخراوا داعش و كارین خۆ ب هەر رەنگەكی رزگار كن،هەر ژ سالا پار وەرە دەست ب ئانینا وان كرن و لسەر چار باژێرێن كەنەدا بەلاڤكرن، لێ دەما ئێزدی گەهشتین نزانین كو هنەك دێ پێشەوازیا وان كن یێن كو خودانێن وی زمانی یێن كو ب دەستێن وان هاتین تالان كرن كو، ئەو ژی مللەتێ ئەرەبە، ژ بەر وێ ئێكێ گەلەك ژ وان یێن گەهشتین وەسان بیردكەن كو ژ بەر بای قەستا بەر بارۆڤێ كرینە ژ بەر ڤان ئەگەرێن خوارێ.
دەمێ پەنابەر دگەهن كەنەدا، ئەو پەنابەر پشتی ژ بالەفرخانێ دئینن خانیەكی مینا هۆتەلەكێیە بۆ نێزیكی سێ حەفتیان تێدا دمینن هەتا كو كاروبارێن وان یێن فەرمی و تەندروستی و گرتنا خانووبەران بۆ دابین دكن، ئەڤ خانیە ژی ژ لایێ رێكخراوەكا جڤاكی یا كریستیان ڤە دئێتە برێڤەبرن كو حوكمەتا كەنەدا پاران ددە ڤێ رێكخراوێ بۆ ماوەیێ سالەكێ چاڤێ وان ل پێتڤیێن وان پەنابەرا یە، هەلبەتە پرانیا زمانزانا د ناڤا ڤێ رێكخراوێدا هەنە ژوانا ژی ئەرەب،ژبەركو ئێزدی سەر ب عێراقی ڤەنە، وەسا لقەلەم ددەن كو ئێزدی ئەرەبی دزانن لێ نزانن دەما ئێزدی پشتی بڕینا هزاران كلم دێ هێن كەنەدا سەروژنوی ئێك دێ ئێت پێشەوازیا وان كت ب (اهلا بكم فی كندا)، خەمۆكیا وان دەستپێدكت و بەردەوام دبت ل مەهێن دووڤدا، ئێزدی پرانیا ئەوێن دئینین ئەون یێن كو وی زمانی نزانن ژبەركو ل سەر گوندێن خۆ بوون و مژوولی ژیانا خۆ یا جۆتیاری بوون دوور ژ فێربوونا زمانێ ئەرەبی یان ژی ئەگەر هەبن بزانن مینا گەلەك كوردان ئەرەبیەكا شكەستی دزانن، ئەڤجا چ جیێ دچنێ تووشی ل هەڤنەگەهشتنێ دبن و نزانن كا ب دروستی ئەو پەیاما ژ مامۆستای بۆ زارۆیێ خۆ یان بۆ ژ دكتۆری بۆ خۆ یان ئەندامەك ژ خێزانا خۆ وەرگرت، ئەڤە ژبلی كو د دووڤ دا فرێدكەن قوتاخانا و شانسێ وان پەنابەرێن نهۆ ژی ژبلی یێن كوردێن رۆژئاڤا ـ سوورینە كو ئەرەبن و د ناڤا پۆلی ژیدا پرانیا بسلومانا تەلەفونێن خۆ یێن نەسب كرن لسەر دەنگێ بانگی كو گوهداریا وی بانگی ژی بەردەوام وان دبەتە وی دەمی یێ كو گەلەك ژ كەسوكارێن وان بووی دەنگی هاتین كوشتن و سەربڕین،دسەر هندێرا كورد هەنە كو كار بكن ل ڤان جیان لێ ژمارەك كێم داینە كاری ژ بەركو لۆبیا ئەرەب و فارسان بهێزترن ئەوان ئەو جی پتر پركرینە ئەڤە ژبلی كو كوردان وەكو پێتڤی ئەڤ خەبەرە نەگاهاندیە گوهێن دەولەتێ و دبت ئێزدی وێ ئێكێ نەدەن خۆیا كرن كو ئەرەبی نزانن و هەتا دئێن و بۆ دبتە ئاریشە ژنیكا پەشێمان دبن.
ئێزدی وەكو كێمە ئاینەك كو بۆ چەندین جاران تووشی جێنۆسایدێ بوویە د دیرۆكێ دا، پێتڤیە بكەڤن دەستێن هندەك جڤاكێن كو چ پەیوەندی ب زمان و ئاینێ وان ڤە نەبت،داكو هێدی هێدی ئەو خەما مەزنا ب سەر وان هاتی ژ بیربكن، لێ گەر رۆژانە لبەر چاڤان بن و هەتا دیلكێ دنیایێ هەر ئەو توخم و سەروچاڤ و زمان بێت گوه و بەرچاڤان، هەلبەتە ئەم ڤی بابەتی ژ لایێ شۆفێنیا نەژاد پەرەستی نائێنین زمان لێ ژ ساخلەمیەكا دەروونی ڤە گرنگیێ پێ دەین،لەوان ئەگەر ئەوێن ژ ئیرۆ پاشڤە تێن بلا وێ یەكێ بۆ حوكمەتا كەنەدا دیار كەن كو ئەو توخم نەبتە كارمەندێ وان بۆ خزمەتگوزاریان دبت ئەگەر وەكو وەرگێر ژی بە ئەگەر زمانی بزان هەر رای لێدبە لێ بەرپرس ژ كاروبارێن وان ل دووڤ بۆچوون و داخۆیانیێن بەری نهۆ گەهشتین ڤێرە تازیا وان سەر و ژنوی دەست پێ دكت.
تُتاح هذه الصورة أيضا في: کوردی