جوداهی دناڤبەرا رەش وسپی دا
خالد ئەحمەد بادی
پشكا چارێ و داویێ
هەر دیسا ل كوردستانا رۆژهەلات هەمی جۆرێن كوشتن و وێران كرن وزیندان ئەنفال كرن لێ هەبوون وتا نهۆ ژی،سیناریۆیەكا دی ل كۆبانێ روودا لێ چنكو پێشمەرگێ قەهرەمان ل هانا وانان چۆ كۆبانێ نەكەت وب ئێكگرتنەكا بكۆم كۆبانێ رزگار بوو وسوریا وعێراق وئیران وتوركیا ژی لسەر پرسا گرتنا دەڤەرێن كوردان ل هەمی پارچێن كوردستانێ دئێكگرتی وب هەڤهاتنن (اتفاق)ن وسیناریۆیا دی ئەوە یا كو بوویە كۆڤانەكا مەزن لجەم هەر كوردەكی دلسۆز ئەو ژی داگیركرنا كەركوكا دلێ كوردستانێ بوو ب هاریكاریا خۆفرۆش و روی رەشێن كوردان ودەڤەرێن ماددێ (140) ودەڤەرێن كوردستانی یێن دەرڤەیی سنوورێ ئیدارا حكومەتا كورستانێ،هەر دیسا چ جوداهی لناڤبەرا رەش وسپی دان كر وتا نهۆ لبن كۆنترۆلا حەشدا وەحشی وعێراقا گەنی وئیرانا كورەمار دایە.
سیناریویەكا دی كو نهۆ ل قادا كوردستانی باسێ لێ گەرم وگورە ئەوژی كەفتنا عەفرینێ وهەڤهاتنا سوریا وعێراق وئیران وتوركیا وكاركرن لبن پەردێن رەش یێن ڤەشارتی وب پیرۆزی وبێ دەنگی یا هەر سێ ئەژدەهایێن مەزن ئەمریكا وروسیا بریتانیا وپاراستنا بەرژەوەندیێن بلندێن خۆ و داكو خۆ بگەهیننە بەشێ خۆ ژ كێكێ،هەروەسا بێ دەنگیا رایا گشتی یا جیهانی كو بناڤێ دادپەروەری ودیموكراسیەتا درەو دپەیڤن عەفرینا خۆراگر ژی چارەنڤیسێ وێ بوو مینا چارەنڤیسێ كەركوك و وان دەڤەرێن دی یێن كەفتین ،نهۆ چاڤ هەمی لسەر شنگالێ نە كو دێ توركیا روی رەش هێرشێ كەتە سەر شنگار ب بەهانەیا (pkk)ێ یان ژی هێرشێ بكەتە قەندیلی هەر ب مەرەما مە باس لێ كری دیسا پیلانەكە و زور مەترسی دارە لسەر كوردان وبلا ئەم بخۆ دا بچین وپتر لێك نێزیك كرنەك لناڤبەرا هەمی ئایین ونەتەوەیێن كوردستانێ ل هەمی پارچێن كوردستانێ دا هەبت،داكو هشیاریەكا نەتەوەیی هەبت.
ل داویێ ئەگەر ئەم دەستێ هەڤدو نە گرین دەمێ شاعرێ مەزن یێ كوردان دبێژت (گەلی كوردان ببن یەك ئەگەر نە بن یەك هونێ هەرن یەك ب یەك )،بلا ئەم هەمی تاكێن كۆمەلگەهێ كوردەواری كار بكەین ب دلسۆزی ودلساخی كو كوردستانا خۆ قورتال بكەین وڤان رستێن مە گۆتین وباسكرین ب راپۆرت وگۆتارو سیناریۆیا لسەر رەوشا سیاسی وئابووری یا كوردان باس و پێشكێش بكن و ئەڤە یادگاریەكە دێ دپەرتۆكا دیروكا مللەتێ كورد دا ئێتە تۆماركرن ب پیتێن زێرین وتەڤایا مللەتێ كورد دێ شانازیێ بڤێ مێژوویا زێرین كت،داكو ژ پیلانێن دوژمنێن كوردان قورتال ببین وبلا بۆ مە هەمی كوردان زۆر روهن وئاشكەرا بت كو قەدەرا مە دێ پێكڤە بت وبلا بۆ تەڤایا مللەتێ كورد دیار بت كو لجەم دوژمنان چ جوداهی دناڤبەرا رەش وسپی دا نینە ئانكو چ جوداهی لناڤبەرا كوردێن ئێزدی وكوردێن مەسیحی وكریستیان وكوردێن موسلمان دا نینە و یەك مامەلە و پیلان بۆ هەمی یان وەكو ئێكە وبلا ئەم دەستین خۆ بكەینە دناڤ دەستێن هەڤدو دا وب ئێكگرتنێ دێ بسەر كەڤین ودێ بەرەف ئاییندەكێ گەشتر ڤە چین ،بژیت كوردستان بەرزو بالا بت ئالایێ پیرۆزێ كوردستانێ.
تُتاح هذه الصورة أيضا في: کوردی