ژیانا ئاوارەبوونێ بەرەف كوڤە؟
توركیا شەمۆ
كی بەرپرسیارە ژ كۆچكرن و ئاوارەبوونێ ئایا ژیانا ئاوارەبوونێ بەرەف كوڤە؟ گەلەك جاران پرسیار دئێتەكرن پشتی بۆرینا چەند سالان ئاوارەبوون دێ ب داوی ئێت،چێدبت ئەڤ رستە ب ساناهی بێتە بەرسڤدان،چنكو پێك هاتیە ژ چەند پەیڤەكا،بەلێ بەرسڤدان ب ئەرێنی گهۆرینەكا مەزن و گرنگە دژیانا ئەوی خەلكی ڤە چار سالان بتنێ خیڤەتەك ژ لایلۆنی مالا ویە ئانكو زارۆكێن خۆ لناڤ تەقن وتۆز و خۆلی یا هاڤینێ دا خودان كرینە،ئانكو هزركرنا بێ رادە یان خەمۆكیا بەردەوام و بێزاریا رۆژانە دبتە وەستیانا مێشكی،ئەڤ وەستیانە دبتە ئەگەرێ دروستبوونا كێشێن ناڤ مالێ و جڤاكی،بڤی شێوەی دبتە كاریگەریاكا مەزن لسەر پاشەرۆژا ڤی وەلاتی.
ئەگەر توو قوربانی ئاخا خۆ بی و ئاوارەیێ وەلاتێ خۆ بی وهێشتا سۆتن لدوڤ گیان و خیڤەتا تەبت ،ئەڤ هەموو رێنیشاندارێ وێ چەندێ نە كو چ جارا عێراق نەبوویە خودان یاسا كو پێگیر و وەكهەڤ ژبۆ خەلكێ ئەڤی وەلاتی ،ئایا حكومەت و گەندەلێن ڤەشارتی پتر چاڤەرێ چیدبن، چاڤەرێ جارەكا دی تالانكرن گیان و شەرەف و كوشتنا زارۆكێن تە بن یان قركرنا تە ب ئێكسەری بت ئەگەر ئەز خودان ناسناما ئەڤی وەلاتی بم بتنێ بناڤە، چنكو گەندەل ئەڤێ ناسنامێ بكارتینن وەكو بەرەڤانەك ژ سیاسەتا خۆ،پەیڤا ئاوارەبوونێ یان ژی خەم و دەردەسەریێن فەقیر و هەژارە و كێشەیێن ژیانا ئاوارەبوونێ بوویە رێیەك یان دەرفەتەك بۆ هندەك كەسێن خراب كو خو بگەهیننە پلە و پایێن بلند بناڤێ مرۆڤایەتیێ ،بەلێ خەما وی بتنێ گەندەلی و خوارنا زكێ وی برچیە نە گەهاندنا ئازارێن خەلكێ یە ،ئایا ئەڤ نەخۆشی و وێرانی وشەرێ گران دئێتە كرن ژ ئەگەرێ دروستبوونا كێشەیێن ئایینی و مەزهەبینە یان ژی سیاسەتەكا نە ئەكادمیە دبت ژ ئەگەرێ هەردووكا بت.
ئەڤ دراما چەندین سالان ل وەلاتێ تە دئێتە نمایشكرن كو دبتە ئەگەرێ وێ چەندێ رۆژانە خەلكەك ژیانا خۆ بدەستێ خۆ ب داومی بینت،چنكو ئەو سیناریو ژ سیاسەتا وان گەندەلچی و شانۆ ژ كارێن وان خراب دئێنە پێشكێشكرن بتنێ ئەم تێدا ئەكتەرێن قوربانن،ئانكو ئاوارەبوون و دەربەدەرەی چ جارا ب داوی نائێت ئەگەر كێشەیێن سیاسی و حزبی ب داوی نەهاتن.
تُتاح هذه الصورة أيضا في: کوردی