ژبۆ پاراستنا خۆشتڤیێن خۆ پێگیری رێنمایێن تەندروستی بن
دلگەش سەلیم
ژبۆ پاراستنا خۆشتڤیێن خۆ پێگیری رێنمایێن تەندروستی بن،بتریا خرڤەبونێن ئێزدیان ل هەلكەفت وبیرەوەریێن ئۆلی نە و ل مەها بەهارێ ئەم ئێزدی بەرەف جەژن وهەلكەفتێن ئاینی ب رێ دكەڤین،مینا خرڤەبوونێن سەفەرا ماستا و جەژنا سەرسالێ و تواف و زێو و ..هتد.
دگەل هندێ دە نهۆ ئەم د قۆناغەكا كوژەكا ڤایرۆسێ كۆرۆنا دا دژین پەتایا كۆرۆنا دوژمنەكی كوژەكە دبتە ئەگەرێ گیان ژ دەستدانا پیر و گەنج و زارۆكان ب تایبەت دانعەمران ئەو كەسێن نەخۆشێن دۆم درێژ هەین و مە ژ وان كەسێن خۆشتڤی بێ بەهر دكت و خۆشتڤیان بەرەف جیهانەكا بێ زڤرین دبەت،ژبۆ دەربازبوون ژ ڤێ قۆناغا نالەبار و رێگریكرن ل بەلاڤبوونا ڤێ پەتایا كوژەك ،هیڤی یە هەموو تەخ و چینێن جڤاكی ژ مامۆستا و رەوشەنبیر و قوتابی و دام و دزەگەهێن میر و رێكخراوێن جڤاكێ سڤیل ب رۆلێ خۆ رابن و هەڤكار بن دگەل دام ودەزگەهێن تەندروستی و پێگیری ب رێنمایێن تەندروستی بین و پاك و خاوێنی یا خۆ راگرین،مینا دەست شووشتن ب سابوونێ و بكارئینانا ماسكان و هەروەسا شیرەت وئامۆژگاریێن ساخلەمی ل گەنج و لاوان بكن ژبۆ پاراستنا خۆ ژڤێ پەتایێ،چنكو تەخا گەنجا بتری هەرتەخەكا دی یا جڤاكی تێكەلیێ دكت وئەڤ یەكە دبتە ئەگەرێ هندێ كو كۆرۆنا بتر دناڤ تەخا گەنجادا بەلاڤ بت دگەل هندێ ژی دا گەنج دكارن ب ئاسانی ژ ڤێ پەتایێ رزگارببن ،بەلێ جیێ داخێ یە دەمێ گەنج هەلگرێ ڤایرۆسێ كۆرۆنایێ بت و دبتە ئەگەرێ هندێ خێزانا خۆ تووشی ڤێ پەتایێ دكت و ل دەمێ ئاریشا مەزن دەست پێ دكت و دبتە ئەگەرێ گیان ژدەستدانا خۆشتڤیێن مە، ژبەر هندێ خۆ بپارێزە و پێگیری ب رێنمایێن ساخلەمیا خۆ بكە و خۆشتڤیێن خۆ رزگاربكە ،ڤایرۆسێ كۆرۆنا راستیەكە و چ زار و زمانا نزانت و جیهان هەموو ب دەستێن ڤێ ڤایرۆسی دنالت و رۆژانە سەدان كەس ل جیهانێ تووش دبن.
وەلاتێ مە ژی بێ بەهر نەبوویە ژ ڤایرۆسێ كۆرۆنایێ ،ئەڤجا هیڤی دكەم و ئەم نەهێلین كەسێن نێزیكی مە ل پێش چاڤێن مە بێن بن ئاخكرن و ئەم پێگیربن ب رێنمایێن لژنا بەرهنگاربوونا كۆرۆنایێ ل هەرێما كوردستانێ،پاراستنا گیانێ دانعەمران و نەخۆشان دناڤ خێزانێن مە دا ئەركێ مە هەمووانە،لەورا هیڤی یە پێگیری رێنمایێن ساخلەمیێ بین.
تُتاح هذه الصورة أيضا في: کوردی