ترس ل جەم زارۆكان
چنار شمو قاسم
ترس و دوو دلی دتەمنێ زارۆكانیێ دا هندەك جاران ئاسایی و سروشتی یە،ژبەركو ئەڤ ترسە د سروشتێ زارۆكان دا هەیە و بتریا وان زارۆكێن دچنە باخچێ زارۆكان یان خووندنگەهێ هەست ب ترسێ و دوودلیێ دكن، ئەڤ ترسە ب چ شێوە ل جەم زارۆكان پەیدا دبت؟ئەو ژی ب شێوەیێ دلتەنگی و بێ هێزی و بینینا خەونێن ب ترس و قیژیێن بلند و شەرخواز و ب خۆڤە میزتن و بێ دەنگیا بەردەوام و خۆ ڤەشارتن و كێم خوارن.
هەردیسان هندەك نیشان ژی ل جەم زارۆكان پەیدا دبن ل دەمێ ترس ل جەم هەبت وەكو لەزاتیا لێدانا دلی و خۆهدان دەست و پێ ساردبن، قیژی و گریانا بەردەوام، بتریا زارۆكان بۆچی دترسن؟، بێگۆمان گەلەك ئەگەرێن ترسێ هەنە چێدبت ژ ئەگەرێ ژینگەهێ و بۆ ماوەیی و پەروەردەیا خێزانی و تەماشەكرنا فلمێن ب ترس و بەحسكرنا تشتێن ب ترس ژ ئالیێ دەیك و بابان ڤە،ئێك ژ خالێن سەرەكی پەروەردا خێزانێ یە ئەو ژی ل دەمێ دەیك و باب زارۆكێن خو د ئێشینن یان ئاخفتنێن كرێت و ترانا پێ دكن یان ژی دەمێ نكارن پێتڤیێن وان دابین بكن ئاخفتنێن بترس دبێژنە زارۆكی داكو خۆ بێ دەنگ بكت و دەستان ژ داخوازیێن خۆ بەردەن، هەروەسا ئەندامێن خێزانێ ل بەرچاڤێن زارۆكان شەرێ هەڤ دكن ب تایبەتی دەیك و باب ئەڤ چەندە دبتە ئەگەرێ هندێ ترس و دوودلی و بێ هیڤیبوون ل جەم زارۆكی پەیدا بت، دیسان دەمێ زارۆك دچتە قوتابخانێ ئەگەر هات و مامۆستا نە دهاریكاربن زارۆك دێ تووشی ترسێ بت چنكو قوتابخانە قۆناغەكا نووی یە بۆ زارۆكی و تێكەلی زارۆكێن نوو دبت ئەگەر هات ماموستا دەنگێ خۆ لێ بلند بكت یان ئاخفتنێن كرێت بێژتێ و بقوتت زارۆك دێ تووشی ترسێ بت،هەروەسان زارۆكێن دی یێن دناڤ پۆلێ دا دبنە ئەگەرێن پەیدابوونا ترسێ ئەو ژی ب رێیا لێدان یان ژێ وەرگرتنا پەرتۆكان و پێتڤیێن وی یێن قوتابخانێ.
دێ چاوا چارەسەریا ترسا زارۆكان كەین؟ ئەو ژی ل دەمێ توو هەست پێ دكەی كو زارۆكێن تە هاتیە ترساندن یان دترست ئارام بكە و هەمبێز بكە و ترانان پێ نەكە و گوهداریا وی بكە و دگەل دا بە، هەروەسان دوور بكە ژ تەماشەكرنا فلمێن ترسناك ب تایبەت ل دەمێ نڤستنێ دیسان ل دەمێ نڤستنێ بلا رۆناهیەكا كێم هەبت،پێتڤیە هەردەم پرسیارێ ژ زارۆكی بكەی دا بزانی ئەگەرێ ترسا وی چیە ئەگەر ترس ل ئاستەكی بلند دا بوو پێتڤیە سەرەدانا نۆژداری بكەی بۆ وەرگرتنا چارەسەریێ.
تُتاح هذه الصورة أيضا في: کوردی