تۆرا لالش
ئادانی: بنەمالا شیخادی و مرۆڤێت شیخادی نە .
ئادی : (ئێ دایم ) ناڤەكە ژ ناڤێت خۆدێ.
مالا ئادیا : پەرستگەها پیرۆزا لالشا نورنی یە .
خلمه‌ت ژ عەشق و دلە، خلمەت ژ بۆ ئاخرەتێ یە ل جهێ دیاركری و دەم نەیی دیاركریە، خلمەتكرن د ئێزدیاتێ دا روكنەكە ژ ئەركانین ئۆلی وەك سەبەقا قەولی خویا دكەت :
ژ قەولێ فەخرێ ئێزدینە
هەری ب حەرفە و هەری ب ناسینە
خلمەت روكنەكە ژ ئەركانێ دینە
خزمه‌ت: بەرامبەر پارەكی دیاركری یە (مالێ دنیایێ) ل جهـ و دەمەكی دیاركری .
علمدار: ئەو كەسەیه د ئێزدییاتیێ دا 40 قەولان بزانت دگەل قەولێ قەرەفرقان .
عالم: ئەو كەسەیه دئێزدیاتیێ دا 70 قەولان بزانت دگەل قەولێ تەختە، قەولێ تەختە قەولەكی فەلسەفی یە و یێ تایبەتە ب خودێ ڤە مینا كلیلا هەفتی قەولی دهێتە زانین ئانكو ئەو كەسێ ڤی قەولی باش نەخونت و نزانت شارەزایی فەلسەفە و بابەتێن خوەدایی نابت و نكارت هەفتی قەولێن دی تێبگەهت وەك سەبەقا قەولی ژ قەولێ تەختە خویا دكەت:
ئەڤ قەولە قەولەكی ب قریارە
مفتا هەفتی قەولی ب هژمارە
ئەم نینن و خودێ ئی دەهارە
پەدشا: پەد واتە ئەرد و شا مەزنێ ئەردی هەموو پێكڤە دبنە پەدشا و ناڤەكا ژ ناڤێت خودێ.
پەدشێ من دنیا چێكر
حەد و سەد و رێك وپێكر
بن ئادەم تێدا خنێكر
**
سلتان ئێزی بخۆ پەدشایە
هەزار و ئێك ناڤ ل خۆ دانایە
ناڤێ مەزن هەر خودایە
پاشا: سورا ملیاكاتایە ل ئەردی، ئێزدیان باوەری ب سوڕێ وا هەیی، ئێزدی دبیژن شیخادی پاشایه و خاسێ دووماهیێ یه ژ كراسێ تاووسی مەلك دەركەڤتی یە.
سوندا من ب سەرێ شێخێ ئادیە
حەجا من كەف و مغارم و زمزم و كانیا سپی یە
پەشێ من شیخادی یە
شێشم: ناڤەكا ژ ناڤێت خودێ :
یا شێشم توی رەحمیی
خالقێ من ژ قەدیمی
ل هەموو داردای حەكیمی
شێشمس یان شێخ شەمس: ئێكە ژ خاسێ ئێزدیان پسێ ئێزدی ئەمیرا، ل جەم ئێزدیان ب خودانێ رۆژێ دهێتە ناسكرن، شێشمس رۆژا ژێدەرێ ژیانێ یە ژ بەر هندێ ئێزدی دبێژن (نورا خۆدێ یە).
ژ مالێ هەتا مالێ
شێشمسە خۆدانێ سیقالێ
ئەم شێشمس نابرین خیالێ
شەرفەدین یان مەلك شەرفەدین دینێ مایە، شەرفەدین ئێكە ژ ناڤێن خودێ یە:
چارشەمبوو رۆژەكە ئەمینە
عەزیز تاووسی مەلەكێ من ناڤ شرینە
ب ناڤێ مەلك شەرفەدین بوە دینە
**
دینە و شك تێ نینە
كەسێ دبێژت وەنینە
مەلك شەرفەدین سورا ئەنیا وی دستینە
***
ژ قەولێ پیر رەشێ جیدە
دبێژمە وە گەلی مریدە
مە دین شەرفەدینە و ئاتقات سلتان ئێزیدە
شەرفەدین ژ دینێ مەیە: د ڤر ده مەبەست شەرفەدینێ پسێ شێخ حەسەنە پشتی بابێ خۆ ئێكەم میرێ كوردان بوو دەمێ ناڤێ كوردستان پەیدابووی ل نیڤا سەدێ دوازدێ ل سەردەمێ سەلجوقیان.
شەرفەدین خەرزێ گولی(كولی)
مزگینێ بینێ كوردستانێ
بلا ڤەكەن دەفتەرا ئیمانێ
شەمس رۆژا ئێزدیانێ
شەرفەدین میرە ل دیوانێ
بابا شێخ یان بابێ شێخ؟
بابا پەیڤەكا ئارامی یە (بابا ئەو دەرگەها ئێ كو راستی راستی ب وی ڕە دیار دبە) ئەڤ ناڤە هەتا ئیرۆ ژی د ئۆلا ئێزدیان دە مایە
مینا ( بابا شێخ ، بابا چاویش ، بابا گاڤان ، …………..)
هندەك كەس بیێ كو بزانن رامانا پەیڤا(بابا) ل وێ پەیڤێ ب پەیڤا باب دگۆهورن دبێژن (بابێ شێخ ، بابێ چاویش) لێ ئەو نەراستە، ژ بەركو پەیڤا بابا خوەبێژا خوە هەیە و یە نەگۆرە ستانوسا وان دووناڤێن مەیە.
پێخەمبەر: خودان پەرتوكەكا ئاینی یا پیرۆزه و ب ریێا پەرتۆكا ئاینی پەیاما خۆ دگەهینت مینا عیسا ، موسا و محەمەد)).
نەبی : هنارتیەكا ژ با خودێ پەیاما خۆ ب زارەكی دگەهینت نەخودان پەرتۆكا مینا (نەبی نوح، نەبی ابراهیم) و رامانا پەیڤا نەبی د زمانێ كوردی دا نینە، هەروەسا هەموو پێخەمبەر دبنە نەبی بەلێ نەبی نابنە پێخەمبەر.
تُتاح هذه الصورة أيضا في: کوردی
