تۆرا لالش
سالڤەگەرا ٣٣ یا دامەزراندنا بنگەهێ لالشێ رەوشەنبیری و کۆمەلایەتی پیرۆزبت، دامەزرێنەرێن بنگەهێ لالش شۆرەشەکا رەوشەنبیری د دەمەکێ زەحمەت و زێرین دا کرییە لەورا دبێژم ئەو نەبتنێ دامەزراندنەک بوو بەلکو هزرەکا کوور ژ بۆ پاشەرۆژەکا دوور یا ئێزدییان بوو.
فەرە ژبیرنەکەین ئەو کەسانێن بنگەهێ لالشێ دامەزراندین و ل پێش دامەزراندنا بنگەهی ب دەهێن سالان کار ژ بۆ ئارمانجا دامەزراندنا سازییەکا ئێزدییان یا ب ڤی ئاوای کرین تاکو ل دوماهییێ بکارن بنگەهێ لالش بدامەزرینن، لەورا دامەزراندنا بنگەهێ لالش و سەرهلدانا کوردستانێ ل سالا ١٩٩١ ژ هەڤ نایێن جوداکرن ژبەرکو سەرهلدان ببو رۆناهییا چرایێ ئەڤێ خەونێ و بنگەهێ لالش هات هەبوونێ
دامەزراندنا بنگەهێ لالش پێدڤییەکا دیرۆکی بوو، ئەو نەبتنێ کۆمڤەکرنا ئێزدییان بوو، لێ هزرەکا بنگەهین بوو ژبۆ ناساندنا هزرا زەلال و پاک یا ئێزدییان ژبۆ جڤاکا ناڤخۆ و جیهانێ و پاراستنا شوناسا رەسەن و پەیاما زەلال، ئەو پەیاما ژ ئەزەل دا باوەری ب خوەزا، مرۆڤاتی و پێکڤەژیانێ هەی و ئیرۆرۆژ ئەو رەنج و خەباتا دامەزرێنەرێن بنگەهێ لالشێ پێشکێشی ئێزدیاتییێ کری بوویە میراتەکێ هەردەمی ژ بۆ ئێزدییان، خەبات ب مەبەست رەوشەنبیریکرنا خەلکی، نڤێسان ژ ئالییێ رۆشەنهزران ڤە، گەهاندنا پەیاما رەسەن یا ئۆلی و ڤەگێرانا قەول و بەیت و تێکستێن ئۆلی ژ ئالییێ کەساتییێ ئۆلی ڤە، راستڤەکرنا ئەو نڤێسینێن چەوت یێن لسەر ئۆلا ئێزدییان هاتین نڤێسان ب درێژاهییا دیرۆکا مرۆڤاتییێ، هژمارەکا مەزن یا رەوشەنبیران قوتابییێن ئەڤێ سازییێ بوون.
بنگەهێ لالشێ ئەوها کرییە سەرۆک و سەرکردەیين وەلاتی سەرەدانا وان بکەن ژبۆ خزمەت و پشتەڤانییا ئەڤێ سازییێ
دروشمێ بنگەهێ لالش یێ “لالش کانییەکا زەلالە دهورتە دروبارێ رەوشەنبیرییا کوردی دا” ب خەباتا درێژ دوپاتکریە کو روبارێ ئێزدیاتییێ پر کرییە ژ نڤیساندنا علم و مەعریفەتا ئێزدیاتییێ و پێشڤەبرن و رەوشەنبیریکرنا جڤاکا ئێزدی و هەردەم تەکەزی کرینە ل سەر پەیاما زەلال د بەردەوام بن.
بنگەهێ لالشێ ٣٣ سالە بەردەوام خزمەتا ئەڤێ چاندا رەسەن دکەت ب هەموو ئەندام و لایەنگرێن خوەڤە کو د نها دا پشتەڤانییا ب سەدان قوتابی و ئەکادیمییێن ئێزدی کرییە، خوەدی هژمارەکا مەزن یا پەرتوک، گۆڤار، رۆژنامە و ئالاڤێن نڤێسانێ و راگەهاندنێ و کەنالەکێ تایبەتێ راگەهاندنێ یە، ب هەموو ئالاڤان و ب رێکا پرۆژەیێن پیرۆز خزمەتا رزگاربوویێن دەستێ داعشێ دکەت ژ بۆ باشترکرنا ژین و ژیارا وان
تُتاح هذه الصورة أيضا في: کوردی