یاوه‌ر: ل دوماهییا ڤێ مه‌هێ هاریكاریێن ئه‌مریكا بۆ مووچه‌یێ پێشمه‌رگه‌ی دێ گه‌هن
وار
ئه‌میندارێ گشتیێ وه‌زاره‌تا پێشمه‌رگه‌ی راگه‌هاند؛ بڕیاره ل دوماهییا ڤێ مه‌هێ هاریكاریێن ئه‌مریكا بۆ پێدانا مووچه‌یێ هێزێن پێشمه‌رگه‌ی بگه‌هنه هه‌رێما كوردستانێ.
جه‌بار یاوه‌ر بۆ مالپه‌رێ فه‌رمیێ پارتی گۆت: به‌ر نها تیمه‌كێ ئه‌مریكا سه‌ره‌دانا هه‌رێما كوردستانێ كربوو و د گه‌ل جڤاتا وه‌زیران گه‌هشتبوونه رێككه‌ڤتنه‌كێ بۆ پێدانا مووچه‌یێ پشكه‌كا هێزێن پێشمه‌رگه‌ی، ئاماژه‌كر بریاره تا دوماهییا ڤێ مه‌هێ ئه‌مریكا چارسه‌د و پازده ملیۆن دۆلاران بده‌ته هێزێن پێشمه‌رگه‌ی.
ئه‌میندارێ گشتیێ وه‌زاره‌تا پێشمه‌رگه‌ی گۆتژی؛ ئه‌و پاره وه‌كو مووچه‌یێ مه‌هانه دێ بۆ پێشمه‌رگه‌ی هێته پارڤه‌كرن، دوپاتكر ژی ئه‌ڤ هاریكاریه بۆ هندێ یه مووچه‌یێ وان نه‌هێته پاشئێخستن و د ده‌مێ خوه دا بهێته به‌لاڤكرن.
تُتاح هذه الصورة أيضا في: کوردی