شاندەكێ بنگەهێ لالش سەرەدانا پارتا نشتیمانی یا ئاشوری ل دهۆكێ كر
تۆرا لالش یا راگەهاندنێ
شاندەكێ دەستەیا بلندا بنگەهێ لالش ل دهۆكێ ب سەرۆكاتیا “شەمو قاسم” بەرپرسێ لژنا رەوشەنبیری،ئیرۆ 14تەموزا 2016،سەرەدانا بارەگایێ پارتا نشتیمانی یا ئاشوری ل دهۆكێ كر.
شاندێ دەستەیا بلندا بنگەهێ لالش ژبال بەرپرسێ تایی ل دهۆكێ و ئەندامێن پارتا نشتیمانی یا ئاشوری هاتە پێشوازیكرن و خۆشحالیا خۆ ب شاندی دەربرین.
شاندێ بنگەهێ لالش پیرۆزباهی پێشكێشكرن ب هەلكەفتا بیرەوەریا 43یا دامەزراندنا پارتا نشتیمانی یا ئاشوری و هیڤیا پێشكەفتن و سەركەفتنێ بۆ وان خواست ل كارێ وان یێ پارتی ژبۆ خزمەتكرنا گەلان ل كوردستانێ و خۆرتكرنا پێكڤەژیانا ئاشتی دناڤبەرا وان دا.
بەرپرس و ئەندامێن پارتا نشتیمانی یا ئاشوری ئاماژە ب ڤێ سەرەدانێ و رۆلێ بنگەهێ لالش یێ رەوشەنبیری و جڤاكی ل كوردستانێ كرن.
تُتاح هذه الصورة أيضا في: کوردی