داخوازیێن ئێزدیان بۆ نەتەوەیێن ئێكگرتی هاتنە ڤرێكرن
تۆرا لالش یا راگەهاندنێ
بنگەهێ لالش تایێ سنوونێ و رێكخراوا سنوونێ بۆ گەشەپێدانا جڤاكی،پشكداری لگەل كارگێریا كەمپا كەبەرتوویێ و رێكخراوێن ل كەمپێ دا كار دكن كر،ل ساخكرنا رێورسمێن بیرەوەرییا كارەساتا شنگالێ دا ل رێككەفتی 3/8/2016،ئەوا دئێتە هژمارتن ب مەزنترین كارەسات ل چەرخێ بیست و ئێكێ.
ل دەستپێكا رێورسمان وەك رێزگرتن بۆ گیانێ جانگۆریێن شنگالێ،ئامادەبوویی پێنج خۆلەكا سەكنین،ل دووڤ دا پەیڤ و هۆزان ژبال جهەتێن پشكدار هاتن خووندن و داخوازا رزگاركرنا ئەردی و پارێزگەهكرنا شنگالێ كرن كو گرێدایی هەرێما كوردستانێ كوردستانێ بت و پێشكێشكرنا خزمەتكاریێن پێتڤی بۆ خەلكێ شنگالێ و چەند داخوازیێن دیتر.
هەروەسا داخوازییەكا تایبەت كو ئاراستەی نەتەوەیێن ئێكگرتی هاتبوو كرن ب رێیا لافیتەكێ ژبال بنگەه و رێكخراوا سنوونێ ڤە،زێدەباری پێنج لافیتەیێن دیتر گرێدایی كارگێریا كەمپێ و رێكخراوێن مرۆڤایەتی بوون و هەر ئێكێ ئیمزا و شووین تبلێن پتری 400كەسان ژ كەمپا كەبەرتوویێ ل سەر بوون،داخوازكربوون دانپێدان ب كارەساتا ل شنگالێ روودای بێتە دان كو كۆمكوژیا بكۆمە،داخوازی بۆ بارەگایێ UNل دهۆكێ هاتنە ڤرێكرن و وان ژ ئالیێ خۆڤە سۆزدان داخوازیان ڤرێكەن بۆ نەتەوەیێن ئێكگرتی و وەلاتێن زلهێز و جهێن شۆلەژێ،هەڤخەمیا خۆ ژی بۆ ئەوا ل شنگالێ چێبوویی دانە دیاركرن.
تُتاح هذه الصورة أيضا في: کوردی