وهزارهتا پێشمهرگهی بهرسڤا وهزارهتا دهرڤه یا ئهمریكا دا
وار
وهزارهتا پێشمهرگهی بهرسڤا جێگرێ پهیڤدارێ وهزارهتا دهرڤه یا ئهمریكا دا و راگههاند، پێشمهرگه ل بن فهرمانا فهرماندهیێ هێزێن پێشمهرگهیێ كوردستانێ یه و ژ وان دهڤهران ناڤهكێشن،کو ئهوێن كۆنترۆلكرین.
وهزارهتا پێشمهرگهی بهرسڤا داخویانیا مارك تۆنهر، جێگرێ پهیڤدارێ وهزارهتا دهرڤه یا ئهمریكا دا، كو تێدا راگههاندبوو، یا گرنگه پێشمهرگه و ههمی گرۆپێن شهركهرێن دی یێن ئیراقێ بچنه بن فهرمان و كۆنترۆلا سوپایێ ئیراقێ.
د رووهنكرنا وهزارهتا پێشمهرگهی دا هاتیه، پێشمهرگه ل بن فهرمانا فهرماندهیا هێزێن پێشمهرگهی دایه، ل گۆر دهستوورێ ئیراقێ، پێشمهرگه بهشهكه ژ بهرگریا ئیراقێ، سهرهرای، كو حكومهتا ئیراقێ ژ ئالییێ مهشق و راهێنان و دابینكرنا چهك و پێدڤییێن سهربازی هاریكاریا پێشمهرگهی نهكریه و ئهو بهرپرسیارییه نهههلگرتییه.
تێدا هاتییه ژی، هێزێن پێشمهرگهی ههمی گاڤان بهرههڤیا خوه نیشاندایه بۆ هاریكاری و ههماههنگیێ ل گهل بهرپرسێن سوپایێ ئیراقێ، سهبارهت چهوانییا رووبرووبوونا داعشێ و ئهو یهكه ب كریار سهلماندیه، ههڤدهم هێزێن پێشمهرگهی ل وان دهڤهران ناڤهكێشن ئهوێن تیرۆرستێن داعشێ ژێ دهرخستین، دێ ل مینن تا مهترسیا داعشێ ل سهر دهڤهرێ نهمینت.
تُتاح هذه الصورة أيضا في: کوردی