نەتەوەیێن ئێکگرتی: د سالەکێ دا ھزار زارۆک د دەریا ناڤەراست دا خەندقینە
وار
پەیڤدارێ رێکخەرێ کاروبارێن مرۆڤاتی ل نەتەوەیێن ئێکگرتی راگەھاند؛ ژ رۆژا خەندقینا ئالانێ کوردی د دەریایا ئیجە دا و ھەتا نھا، ھزار زارۆک د دەریایێن ناڤەراست و ئیجە دا خەندقینە، دەمێ خێزانێن وان بزاڤ دکرن وان دەربازی ئەورۆپا بکەن.
ولیەم سپیندلەر، د پرێس کونفرانسەکی دا ل ئۆفیسا نەتەوەیێن ئێکگرتی ل جنێڤێ، ب ھەلکەفتا دەربازبوونا سالەکێ ل سەر خەندقینا ئالانێ کوردی و دایکا وی د دەریایا ئیجە دا، راگەھاند؛ چار ھزار و سەد و حەفتێ و شەش کەس د سالەکێ دا خەندقینە، ئەوێن بزاڤ دکر بگەھنە ئەورۆپا.
سپیندلەر ئاشکرا ژی کر؛ تێکرایا یازدە کەسان، ژ وانان سێ زارۆک، رۆژانە د دەریایا ناڤەراست دا دخەندقن، ب وێ یەکێ ھژمارا وان زارۆیێن د سالەکێ دا خەندقین، گەھشتیە ھزار زارۆیان.
رۆژا دووێ ئیلۆنا سالا ٢٠١٥ێ، پاسەوانێن دەریایی یێن تورکیا، تەرمێ ئالانێ کوردی و دایکا وی و برایێ وی، ل بەراڤێن باژارێ بودرۆم یێ تورکی دیتبوون.
تُتاح هذه الصورة أيضا في: کوردی