بارزانی: ئهنجامێن كۆمبوونێن فرهنسا د ئهرێنی بوون
waar – دهوك :
مەسعوود بارزانی سەرۆکێ ھەرێما کوردستانێ، د ئێكهم رۆژا سهرهدانا خوهیا وهلاتێ فرهنسا دا، دگهل وهزیرێ بهرگرییا وی وهلاتی و سهرۆكا باژارڤانییا پاریسێ كۆمبوو و راگههاند؛ ئهنجامێن كۆمبوونان د ئهرێنی بوون.
بارزانی پشتی كۆمبوونا د گەل ئان هیدالگۆ سهرۆكا شارهدارییا پاریسێ، د پریس كۆنفرانسهكێ ههڤپشك دا، ئاماژهكر كو دانوستاندنهكا دۆستانه ل دۆر پێشڤهبرنا پهیوهندیێن ههولێر و پاریسێ، دیسان بهردهوامیدانا وان پهیوهندییان هاته كرن.
گۆت ژی: ژ دهستدانا دایكهكا دلوڤانا وهك دانیال میتران، خهمهكا مهزن بوو بۆ گهلێ كورد، لێ نها سهرۆكا شارهدارییا پاریسێ، جهێ وێ دایكا دلۆڤان گرتییه و ئهو هاتیه دهستخوهشیێ لێ بكهت.
دهربارهیی كۆمبوونا دگهل وهزیرێ بهرگریێ دا، سهرۆكێ ههرێما كوردستانێ گۆت: د كۆمبوونێ دا، باس ل بوارێ ئێمناهی و سهربازی هات كرن و ئهنجامێن كۆمبوونان ژی د ئهرێنی بوون.
ژ ئالیێ خوهڤه سهرۆكا شارهدارییا پاریسێ گۆت: كورد گهلهكێ ئاشتیخوازه و ئهو دێ ههر پشتهڤانیهكێ ل كوردان كهن و دێ بهردهوامبن ل سهر پێشڤهبرنا پهیوهندیێن دگهل ههولێرێ و بۆ كۆنفرانسێ 100 باژێرڤانیێن جیهانێ ژی، ئهو دێ ههولێری ب فهرمی گازیكهن.
مەسعوود بارزانی سەرۆکێ ھەرێما کوردستانێ، دوهی سپێدێ ب سەرەدانەکا فەرمی گەھشتبوو فرهنسا و دهمژمێر شهش و سیهـ خولهك، بارزانی ل بارهگههێ وهزارهتا بهرگرییا فرهنسا، ژ ئالیێ جان ئێف لۆدریان وهزیرێ بهرگریێ ڤه هاتبوو پیشوازیكرن و د كۆمبوونهكێ دا، ههردو ئالییان، باس ل شهڕی دژی داعشێ و رزگاركرنا مووسلێ و كاریگهرییا هێزێن پێشمهرگهی د وی شهڕی دا، دیسان دانوستاندن ل دۆر پێدڤیاتێن پێشمهرگهی ل بهرهیێن شهڕی كرن.
تُتاح هذه الصورة أيضا في: کوردی