ئەمریکا کوشتنا پەیڤدارێ داعشێ پشتراست کر
waar – دهوك
وەزارەتا بەرگرییا ئەمریکا پێنتاگۆنێ، کوشتنا ئەبو محەمەد عەدنانی، سەرکردەیێ ریکخستنا تیرۆرستییا داعشێ ب ھێرشەکا ئاسمانی یا ئەمریکی ل سووریێ، دوپات کر.
ئەمریکا ل رۆژا ٣٠ێ تەباخێ راگەھاند بوو؛ ھێرشەکا ئاسمانی ئەبو محەمەد عەدنانی، پەیڤدارێ داعشێ کربوو ئارمانج، لێ کوشتنا وی پشتراست نەکر بوو.
وەزارەتا بەرگرییا رۆسیا ژی ل رۆژا ٣١ێ تەباخێ راگەھاند بوو، فرۆکەیێن رۆسی ئەبو محەمەد عەدنانی کریە ئارمانج.
رێکخستنا تیرۆرستییا داعشێ ژی د بەیانەکێ دا ل رۆژا ٣٠ێ تەباخێ، کوشتنا ئەبو محەمەد عەدنانی پشتراست کر بوو.
ئەبو محەمەد عەدانی، دیارترین سەرکردەیێ داعشێ بوو و پەیڤدارێ فەرمی یێ وێ رێکخستنێ بوو، هه‌روه‌سا سه‌رپه‌رشتییا ئۆپه‌راسیۆنێن ده‌رڤه یێن داعشێ دكر.
تُتاح هذه الصورة أيضا في: کوردی