سەرۆکێ فەیسبۆکێ 3 ملیار دۆلاران بۆ چاره‌سه‌ركرنا نەخوەشییان تەرخان دکەت
waar – دهوك:
مارک زوکــێربـــێرگ سەرۆکێ کۆمپانییا فەیسبۆکێ و ھەڤژینا وی پــریــسیلا چان؛ راگەھاندن؛ ئەو دێ سێ ملیار دۆلاران ژبۆ مەرەما ژناڤبرنا نەخوەشییان و دیتنا چارەسەرییان بۆ نەخوەشیێن بێ چارەسەری تەرخان کەن.
ئەڤ سێ ملیار دۆلارە دێ د دەھـ سالێن بھێت دا ھێنە مەزاختن و تێدا دێ ئاستێ لێکۆلینێن زانستی ھێتە بلندکرن، ئالاڤێن باشتر بۆ لێکۆلینان ھێنە دابین کرن، ئارمانج ژێ رێگرتن و چارەسەرکرنا ھەموو نەخوەشییانە د ھەشتێ سالێن بھێت دا.
زوکــێربــێرگی گۆت: ئەڤ بریارا؛ وان ژ نشکەکێ ڤە نه‌بویه، بەلکو بۆ دەمێ دو سالانە دووڤچوونان دکەن، د شیان دایە رێ ل ھەموو نەخوەشییان بھێتە گرتن، وەک دەستپێک دێ شەشسەد ملیۆن دۆلار بۆ بنگەھەکێ نوو یێ لێکۆلینان ل سان فرانسیسکۆ ل ئەمریکا ھێنە مەزاختن، لێکۆلەرێن نۆشداری و ئەندازیار دێ ؛ د چەندین پرۆژەیان دا؛ کار کەن کو دبیت ب دەھان سالان ڤەکێشن.
تُتاح هذه الصورة أيضا في: کوردی