كەسایەتیێن جڤاكیێن باعەدرێ سوپاسیێن خەلکێ ناوچهداريێ دگەهیننە سهرۆكێ بنگههێ لالش
تۆرا لالش یا راگەهاندنێ
كۆمەكا كەسایەتیێن جڤاكی و رەوشەنبیری ل ناوچهدارييا باعەدرێ و دگەل دا دەستەیا رێڤەبەرا بنگەهێ لالش تایێ باعەدرێ ، دسەرەدانەكێ دا بۆ بنگەهێ لالش ل دهۆكێ، سوپاسیێن خۆ ئاراستەی بەرێز”شێخ شامۆ”سەرۆكێ بنگەهی و ئەندامێ پەرلهمانێ کوردستانێ كرن،بۆ خزمەتا پێشكێشی ناوچهداريێ دكت.
ئیرۆ رۆژا سێ شەمبوويێ ۱/۱۱/٢٠١٦ێ،كۆمەكا كەسایەتیێن جڤاكی و رەوشەنبیری ل ناوچهدارييا باعهدرێ،سەرەدانا بنگەهێ لالش ل دهۆكێ كرن و ژ ئالیێ”شێخ شامۆ”سەرۆكێ بنگەهی ڤە هاتن پێشوازیكرن، دپێشیێ دا كەساتیان سوپاسیێن خۆ ئاراستەی بنگەهی و شەخسێ سەرۆكێ بنگەهی كرن،بۆ گرنگی پێدانا وان ب ناوچهداريێ ژلایێ جڤاكی یان رەوشەنبیری ڤە و رەوشا ناوچهداريێ و بەردەوام سەروبەركرنا هۆلێن جڤاکی،ژبۆ خزمەتا خەلکێ باعەدرێ ،ئاماژەكرن كو هەر پێتڤی وداخوازییەكا وان هەبت بنگەهی تەخسیری ژ وان را نەكریە.
ژلایەكێ دیڤە،ب درێژی گەنگەشە ل سەر رەوش وپتر خزمەتكرنا خەلكێ ناوچهداريێ هاتە كرن.
هەروەسا ژئالیێ خۆ ڤە”شێخ شامۆ”سۆزدا ل گۆر پێچێبوون و کارینا خزمەتا خەلكێ خۆ بكە وگۆت:”خەلكێ باعەدرێ ژ هەژی خزمەتەكا زێدەتره، هەر چەندە حكوومەتا مە دقەیرانێ دایە و وەكی دلێ خۆ مەنكاریە خزمەتێ بكەین ژی،بەلێ سۆزێ ددەین یا ژمە بێت و ئەم بكارن ژێرا بكن “.
كەسایەتیێن باعەدرێ ژی سوپاسیێن خۆ پێشكێشی سەرۆكێ بنگەهێ لالش كرن،ب تایبەت كو ل ژێرچاڤدێریا وی هۆلێن بیرەوەرییان ل باعەدرێ بەردەوام دهێنە سەخبیر و سەروبەركرن.
تُتاح هذه الصورة أيضا في: کوردی