كەرتێ چاندنێ ل باشیكێ 100% یێ زەرەرمەند بووی
تۆرا لالش یا راگەهاندنێ
سەرۆكێ ئەندازیارێن چاندنێ یێ بەرێ ل باشیكێ بۆ رۆژناما دەنگێ لالش خویاكر:”كو كەرتێ چاندنێ ل باشیكێ 100% یێ زەرەرمەند بووی،لەوا پێتڤیە پێدانا پێشینا بۆ كارێ چاندنێ بۆ گەشەكرنا ڤی كەرتی ب جۆتیاران بێتە دان و وەزیرێ چاندنێ وبەرپرسێن ڤی كەرتی سەرەدانا دەڤەرێ بكن بۆ دیاركرنا زەرەرمەندیێ”.
سلێمان عومەر عەلی، سەرۆكێ ئەندازیارێن چاندنێ یێ بەرێ ل باشیكێ دیاركرژی كەرتێ چاندنێ ل باشیكێ 100% یێ زەرەرمەند بووی و داخواز دكەین رەز و زەڤی ژ ئەلغاما بێنە پاقژكرن و تۆڤێ باش بۆ چاندنێ و ئامیرێن پێتڤی بۆ كۆلان و بژاندنێ و سۆ تەمەنییا (گازوایل) بۆ دەڤەرێ بێنە دابینكرن، دیسان نوكرن وچێكرنا بیرتەوازیێن چاندنێ بۆ ئاڤدانا رەزا یێن پێتڤی ب ئاڤێ دبندا شین بنەڤە و گۆت:”دخوازین كرین ودانانا كارگەها گڤاشتنا زەیتوونا یاكو بەری نۆكە لێ هەبوو تیرۆرستێن داعش تالانكریە بێتە دروستكرن ڤە،ژبەركو گرنگیا خۆ هەیە دگەل زێدەكرنا زەیتا زەیتوونا وباشتركرنا داهاتیێ جۆتیاری وخودانێت رەزێن زەیتوونا”.
هەروەسا ئاماژەكر كو پێتڤیە خانیێن پلاستیكی ل سەر جۆتیاران بێنە بەلاڤكرن بۆ پشتەڤانییا جۆتیارا بۆ بكارئینانا چاندنا ب لەز زانستی.
ناڤهاتی ئەو ژی دیاركر:”پەز وچێلێن جۆتیارا یێن ژلایێ تیرۆرستان ڤە هاتینە دزین و دڤێت بێنە دابینكرن بۆ جۆتیاران،دگەل دابینكرنا كۆگەهێن تەزیكرنێ و شتلێت زەیتونا یێن بلند ،داكو د ناڤ رەزان دا بێنە چاندن ل جهێ دارێن هشك بووی،پێدانا پێشینا بۆ كارێ چاندنێ بۆ گەشەكرنا كەرتێ چاندنێ و وەزیرێ چاندنێ وبەرپرسێن كەرتێ چاندنێ سەرەدانا دەڤەرێ بكن بۆ دیاركرنا زەرەمەندیێ”.
تُتاح هذه الصورة أيضا في: کوردی