بارزانی پێشوازی ل کونسولێ نوويێ شاهنشینا سعودیە ل ھەولێرێ کر
باسنيۆز:
ئەمڕۆ پێنجشەممە، لە سەلاحەدین سەرۆکی ھەرێمی کوردستان، پێشوازی لە کونسوڵی نوێی شانشینی عەرەبی سعودیە لە ھەولێر، کرد.
ئەمڕۆ پێنجشەممە 2/3/2017 لە سەلاحەدین مەسعود بارزانی، سەرۆکی ھەرێمی کوردستان، پێشوازی لە فەیسەڵ بن مەنسور ئەلعتێبی، کونسوڵی نوێی شانشینی عەرەبی سعودییە لە ھەولێر کرد و لە دیدارێکدا، کونسوڵی نوێی شانشینی عەرەبی سعودیە، سڵاوی شا و جێنشینی سعودیای بە بارزانی، راگەیاند و خۆشحاڵیشی دەربڕی بۆ دەستبەکاربوونی وەک کونسوڵی نوێی وڵاتەکەی لە شاری ھەولێر،
ھاوکات کونسوڵی سعودیە لە ھەولێر، ھیوای خواست پەیوەندییەکانی نێوان ھەرێمی کوردستان و سعودیە بەرەو قۆناغێکی نوێتر ھەنگاو بنێت، بەتایبەتی لە ھەردوو کەرتی ئابووری و بازرگانی.
لای خۆیەوە بارزانی، وێڕای دەبڕینی خۆشحاڵی بۆ دەستبەکاربوونی کونسوڵی نوێی سعودیە لە ھەولێر، پتەوترکردنی پەیوەندییەکانیان لەگەڵ سعودیە دووپات کردەوە و ئامادەیی دامەزراوەکانی حکوومەتی ھەرێمی کوردستانیشی بۆ ھاوکاریکردنی کارەکانی کونسوڵگەریی سعودیە لە ھەولێر دەربڕی.
کونسوڵی نوێی شانشینی عەرەبی سعودییە، پێزانینی خۆی بۆ ھاوکاری و پشتیوانی کردنی حکوومەتی ھەرێمی کوردستان لە کارەکانیان دەربڕی و ئومێدی ئەوەی خواست ئاستی ئەم پەیوەندییە پتەوە ببێتە بنەمایەکی باشتر بۆ ھەردوولا.
تُتاح هذه الصورة أيضا في: کوردی