د ده‌مێ ئه‌زموونان دا ئه‌نترنێت دێ هێته بڕین
WAAR-دهۆك:
لسه‌ر داخوازا وه‌زاره‌تا په‌روه‌ردێ، وه‌زاره‌تا ڤه‌گوهاستنێ یا حكومه‌تا هه‌رێمێ، بریارا راگڕتنا هێلا ئه‌نترنێتێ، د ده‌مێ ئه‌زموونان دا، ده‌رخست.
ل گۆری راگه‌هاندنه‌كا وه‌زاره‌تا ڤه‌گوهاستنێ، پشتیوان سادق وه‌زیرێ په‌روه‌ردێ، سه‌ره‌دانا مه‌ولود موراد وه‌زیرێ ڤه‌گوهاستنێ كرییه و داخوازكرییه، د ده‌مێ برێڤه‌چوونا ئه‌زموونێن داوییا سالێ دا یێن هه‌ردو قۆناغێن ٩ و ١٢ ێ هێلا ئه‌نترنێتێ ل هه‌موو هۆلێن ئه‌زموونان بهێته راگرتن، داكو رێگری ل هه‌ر حاله‌ته‌كێ قۆپیایێ بهێته گرتن.
دا زانین ژی، هه‌ماهه‌نگی دێ دگه‌ل هه‌موو كۆمپانیێن ئه‌نترنێت و مۆبایلان هێته كرن، داكو ل ده‌مێ ئه‌زموونان هاریكاربن.
تُتاح هذه الصورة أيضا في: کوردی