ئۆپهراسیۆنێن باشۆرێ كهركووكێ ژ بارزانی خواست پلانا حهوێجه بدانیت
WAAR-دهۆک:
فهرماندارێن هێزێن پێشمهرگهی ل ژوورا ئۆپهراسیۆنێن باشۆرێ كهركووكێ، داخواز ژ سهرۆكێ ههرێما كوردستانێ كر، پلانا رزگاركرنا حهوێجه بدانیت.
وهستا رهسوول بهرپرسێ ژوورا ئۆپهراسیۆنێن باشۆرێ كهركووكێ ئهڤرۆ سپێدێ د پرێس كۆنفرانسهكی دا راگههاند؛ چ راستییهك بۆ وێ ئێكێ نینه كو داعشێ هێزهكا زۆر ل حهوێجه بۆ هێرشا سهر كهركووكێ كۆم كربیت، لێ مانا داعشێ د وی باژاری دا بۆ چ ئالیهكی یا باش نابیت و داخواز ژ سهرۆكێ ههرێما كوردستانێ كر، پلانا رزگاركرنا حهوێجه بدانیت.
گۆت ژی: هێزێن پێشمهرگهی بۆ ههموو ئالییان دوپاتكر كو بێی جوداهی ههموو پێكهاتهیێن كهركووكێ د پارێزن و نها ژی سوپایێ ئیراقێ بێی پێشمهرگهی نهشێت حهوێجه رزگار بكهت.
دا زانین ژی: داعشێ ل ڤێ داویێ ههڤده جاران هێرشێ سهنگهرێن پێشمهرگهی كرییه و ههر ههموو هێرش هاتینه شكاندن و نها ژی پێشمهرگه د ئامادهباشیهكا تهمام دانه، بۆ پاشڤهبرنا ههر هێرشهكا داعشێ.
تُتاح هذه الصورة أيضا في: کوردی