بریتانیا بهردهوامییا هاریكاریێن خوه بۆ ههرێما كوردستانێ دوپات كر
WAAR-دهۆك:
د كۆمبوونا دگهل سهرۆكوهزیرێن ههرێما كوردستانێ دا، كونسولێ بریتانیا ل ههولێرێ، بهردهوامییا هاریكاریێن وهلاتێ خوه ب تایبهت هاریكارییێن سهربازی بۆ ههرێما كوردستانێ دوپات كر.
نێچیرڤان بارزانی سهرۆكوهزیرێن ههرێمێ، ئهڤرۆ ل ههولێرێ پێشوازی ل مارتن وار كونسولێ نوو یێ بریتانیا ل ههرێما كوردستانێ و شاندهكا دگهل دا كر و كونسولێ بریتانیا، باسێ پێشخستنا پهیوهندیێن ههولێر و لهندهن كر و رۆلێ خهلكێ ههرێمێ د شهڕێ دژی داعشێ و وهرگرتنا ئاوارهیان دا بلند نرخاند و بهردهوامییا هاریكارییێن وهلاتێ خوه ب تایبهت هاریكارییێن سهربازی بۆ ههرێما كوردستانێ دوپات كر.
نێچیرڤان بارزانی ژی سوپاسییا هاریكاریێن بهردهوامێن بریتانیا كر و داخواز كر، بریتانیا ب رێیا هاندانا كۆمپانیێن وهلاتێ خوه، وهبهرهێنانێ ل ههرێمێ بكهت، ب رهنگهكی كو ههرێما كوردستانێ بكهنه بنگههێ سهرهكی یێ پرۆژهیێن خوه ل ههموو ئیراقێ.
دهربارهیی پهیوهندیین ههولێر و بهغدا ژی، نێچیرڤان بارزانی ئامادهییا ههرێمێ بۆ چارهكرنا ههموو كێشهیان دگهل بهغدا نیشاندا و داخواز ژ بریتانیا كر، رۆلێ خوه د ڤێ دهربارێ دا ببینیت.
تُتاح هذه الصورة أيضا في: کوردی