داعش زارۆكەكێ ئێزدی ب پێنچ سەد دۆلاران فرۆتیە
تۆرا لالش یا راگەهاندنێ/هەڤال عەلۆ ساڤارا
نڤیسینگەها رەڤاندیێن كوردێن ئێزدی ل دهۆكێ راگەهاند،پشتی ئازادكرنا قەزا تەلەعفەر ژ ژێر دەستهەلاتا داعش،كەسەكی زارۆكەكێ گرتیێ ئێزدی ب پێنج سەد دۆلاران ژ داعش دكرت و خودان دكت.
ئەمین خەلات یوسف،بەرپرسێ راگەهاندنا نڤیسینگەها رەڤاندیێن كوردێن ئێزدی ل دهۆكێ بۆ(تۆرا لالش یا راگەهاندنێ)گۆت:”كەسەكی ب ناڤێ”نایف ئلیاس ئەحمەد” خەلكێ گوندێ خراب كبیر ژ قەزا تەلەعفەر زارۆكەكێ ئێزدی تەمەن 11 هەیڤی ب پێنچ سەد دۆلاران ل قوتابخانا جزیرە ژ داعش كری بوو، داعش بۆ خەلكی گۆتبوو هەر كەسەكێ زارۆك نەبن بلا بێت بۆ خۆ بكریت و خودان بكت”.
ئەو چەندە ژی ئاشكەراكر:”نهۆ ژی تەمەنێ وی زارۆكی گەهشتیە سێ سالان ئەم ناڤێ وی نزانن و دەیك و بابێن وی ژی ناس ناكن، ژبەركو نایف ژ داعش كریە بێی هیچ ناسنامەكا بارێ شارستانی و بەلگەنامەكا باوەر پێكری هەبت”.
پشتی رێكخراوا تیرۆرستی یا داعش ل 3 تەباخا 2014ێ هێرش كریە سەر شنگال ب هەزاران كوردێن ئێزدی گرتن،هەتا نهۆ چارەنڤیسێ پتری سێ هەزار گرتیان دیارنینە.
تُتاح هذه الصورة أيضا في: کوردی